Testy i ekzamieny źbirajucca ŭskładniać, a sistemu padliku bałaŭ mianiać
Dyrektar Respublikanskaha instytuta kantrolu viedaŭ Juryj Miksiuk padčas pres-kanfierencyi ŭ multymiedyjnym pres-centry Sputnik Biełaruś raskazaŭ, jakija źmieny ŭ najbližejšy čas varta čakać u sistemie arhanizacyi centralizavanaha ekzamienu i centralizavanaha teściravańnia.
Juryj Miksiuk paviedamiŭ: «My pavinny ŭvažliva pahladzieć na dośvied, jaki my atrymali ŭ hetym hodzie, kali całkam admovilisia ad zadač piataha ŭzroŭniu składanaści.
Razumiejem, što heta nie zaŭsiody adyhrała spryjalnuju rolu dla dobraha ranžyravańnia abo acenki samych padrychtavanych abituryjentaŭ. Tamu, moža być, varta zadumacca pra niejki ŭsio ž taki častkovy razhlad takoj mahčymaści, kab takija zadańni byli».
Taksama viernucca da pytańnia ŭdaskanaleńnia sistemy padliku bałaŭ.
«Hetaje pytańnie anansavana, jano budzie razhladacca. Možna zrazumieć abituryjentaŭ i ich baćkoŭ, jakija chacieli b mieć prazrystuju sistemu, jakoj lohka karystacca», — adznačyŭ kiraŭnik RIKV.
Sioleta vypuskniki škoł upieršyniu zdavali centralizavany ekzamien. Pa jaho vynikach uźnik skandał, bo sistema padliku bałaŭ akazałasia składanaj i niezrazumiełaj, mnohija abituryjenty i baćki aburylisia. Urešcie skončyłasia tym, što RIKV pa daručeńni Ministerstva adukacyi pieraličyŭ bały pa inšaj mietodycy.
«Uziali staryja tablicy CT». Jak pieraličyli bały na CE, choć heta i zabaroniena zakanadaŭstvam
Jak padličvajuć bały na centralizavanym ekzamienie i čamu heta schiema vyklikała abureńnie
«U mianie ŭ hałavie nie ŭkładvajecca». Što vypuskniki i ich baćki źbirajucca rabić z vynikami centralizavanaha ekzamienu?
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary