«Mnie naplavać, mianie nichto nie spynić». Valeryj Załužny vykazaŭsia pra viartańnie Kryma
Hałoŭnakamandujučy Uzbrojenych sił Ukrainy Valeryj Załužny ŭ intervju The Washington Post zajaviŭ, što jak tolki va Ukrainy źjaviacca resursy, akupavany Rasijaj Krym budzie vyzvaleny. I namiaknuŭ, što jaho nie spyniać navat zachodnija čynoŭniki, jakija bajacca reakcyi Pucina, piša «Ukrainskaja praŭda».
Hałoŭnakamandujučy USU chacieŭ by viarnuć Krymski paŭvostraŭ, niezakonna anieksavany Rasijaj u 2014 hodzie, navat niahledziačy na toje, što niekatoryja zachodnija čynoŭniki ŭ pryvatnym paradku turbujucca ab tym, jakoj budzie reakcyja rasijskaha dyktatara Uładzimira Pucina, kali ŭkrainskija vojski kali-niebudź dasiahnuć hetaj terytoryi.
«Jak tolki ŭ mianie źjaviacca srodki, ja zrablu štości. Mnie naplavać — mianie nichto nie spynić», — zajaviŭ Valeryj Załužny.
Załužny narakaje na toje, što Ukraina zaležyć ad inšych krain u spravie bojeprypasaŭ. Pavodle jaho, čym bolš Ukraina zmoža stralać, pryciskajučy rasijskija vojski, tym mienšyja straty jana paniasie, ale ciapier jana zaležyć ad zachodniaha ŭzbrajeńnia i APK navat krain-partnioraŭ nie paśpiavajuć zabiaśpiečvać Ukrainu bojeprypasami.
Adznačajecca, što praviadzieńnie kontrnastupleńnia, kab viarnuć akupavanuju terytoryju, atrymać pieramohu nad Rasijaj i minimizavać straty Ukrainy, patrabuje resursaŭ, jakich, pa słovach Załužnaha, jamu ŭsio jašče niestaje.
Zachodnija aficyjnyja asoby zajaŭlajuć, što Ukraina maje dastatkova resursaŭ dla dasiahnieńnia pośpiechu, ale Załužny rezka krytykavaŭ kaleh, jakija śćviardžali, što Kijevu nie patrebnyja F-16.
Hałoŭnakamandujučy USU zajaviŭ, što vajskoŭcy jaho zachodnich kaleh nikoli nie pajšli b u nastup biez padtrymki z pavietra.
Taksama jon vykazaŭsia pra asabistaje:
«Adno z pytańniaŭ, jakoje mnie zadajuć: «Jak ty heta vytrymlivaješ?» Mnie davodzicca z hetym žyć. Kožny dzień — heta tyja, kaho zabili. Štodnia — skalečanyja, źnikłyja bieź viestak. Heta ślozy».
Čytajcie taksama:
«Daść zahad Załužny — budziem u Maskvie»
Załužny — siaržantu-šturmaviku: Anu, adzieŭsia biahom! Zarobiš u mianie!
Kamientary