Pašyrany prodaž tavaraŭ da novaha navučalnaha hoda pačynajecca ŭ staličnych univiermahach z 15 lipienia.
Vyznačany i aryjencirovačny košt aptymalnaj ekipiroŭki školnikaŭ u 2023 hodzie. Tak, zbory vučnia pačatkovaj škoły abyducca baćkam u sumu ad 370 da 1122 rubloŭ, staršakłaśnikaŭ — ad 462 da 1392 rubloŭ, jak paviedamiła načalnica adździeła raźvićcia handlu i pasłuh dziaržaŭnaha abjadnańnia «Staličny handal i pasłuhi» Anastasija Makarskaja, jak pišuć «Minsk-naviny».
Takija ličby farmujucca zychodziačy z rekamiendavanaha pieraliku tavaraŭ, nieabchodnych vučniam.
— U hety śpis uvachodziać adzieńnie dziełavoha stylu, abutak, hałantareja, u tym liku i zaplečnik, kancylaryja i inšyja školnyja prynaležnaści. Treba adznačyć, što vyšejnazvanyja sumy paznačanyja biez uliku źnižak. Pakupniki mohuć zekanomić na tavarach dla navučalnaha hoda, pryjšoŭšy ŭ staličnyja ŭniviermahi ŭ śpiecyjalnyja dni źnižak, — raskazała Makarskaja.
Śpiecyjalistka adznačyła, što, u paraŭnańni ź minułym hodam, košt školnaj ekipiroŭki padaražeŭ na 10%.
Maštabny prodaž tavaraŭ dla vučniaŭ, u tym liku «školnyja kirmašy», u staličnych univiermahach arhanizujuć pačynajučy ź siaredziny lipienia. Buduć adčyniacca dadatkovyja siekcyi. Nabyć nieabchodnyja tavary možna budzie ŭ kamfortnych umovach, z najaŭnaściu prymieračnych kabin z kandycyjanierami. Dla zručnaści ŭ kramach aformiać stojki z ukazańniem kankretnych škoł, pieršaha i druhoha abaviazkovaha elemienta vučnioŭskaha harderoba.
Kamientary