Na vilenskim rynku ŭ rajonie Karaliniški zakryli nielehalnuju apteku, u jakoj pradavali preparaty ź Biełarusi i Rasii. Mužčynu, jaki handlavaŭ hetymi preparatami, pahražaje štraf pamieram 140—300 jeŭra i kanfiskacyja tavaru, piša madeinvilnius.lt.
Vilenskaja palicyja atrymała infarmacyju ab tym, što ŭ stalicy na Karalinišskim rynku pradajuć biełaruskija i rasijskija leki. 1 červienia palicyja, praviarajučy hetuju infarmacyju, zaŭvažyła mužčynu, jaki handlavaŭ roznymi preparatami bieź nieabchodnaj licenzii.
Leki pradavaŭ hramadzianin Biełarusi. U jaho znajšli i kanfiskavali bolš za 120 najmieńniaŭ preparataŭ, usiaho 472 upakoŭki.
Pravaachoŭnyja orhany Litvy pačali rasśledavańnie pa hetym administracyjnym pravaparušeńni. Biełarusu pahražaje štraf pamieram 140—300 jeŭra i kanfiskacyja lekaŭ.
Kamientary