7 vieraśnia 2020 hoda jaje vykrali ŭ centry Minska i pasprabavali vyvieźci na ŭkrainskuju miažu.
Adnak Maryja parvała svoj pašpart i viarnułasia na biełaruskuju terytoryju.
Jaje sudzili razam ź jurystam Maksimam Znakam.
Praz hod, 6 vieraśnia 2021 hoda, Minski abłasny sud paličyŭ Maryju vinavataj u ździajśnieńni złačynstvaŭ i asudziŭ da 11 hadoŭ pazbaŭleńnia voli za zmovu z metaj zachopu dziaržaŭnaj ułady niekanstytucyjnym šlacham, stvareńnie ekstremisckaha farmavańnia i kiravańnie takim farmavańniem, publičnyja zakliki da zachopu dziaržaŭnaj ułady. Maksimu Znaku dali 10 hadoŭ kałonii.
Pakarańnie Maryja adbyvaje ŭ homielskaj žanočaj kałonii. U kancy minułaha hoda stała viadoma, što Maryja trapiła ŭ špital z chirurhičnaj patałohijaj, dzie jaje praapieravali. Paśla taho jaje tak-siak padlačyli i vypisali, ale całkam adnavicca, jak vyhladaje, nie dali.
U mai hetaha hoda znoŭ stała viadoma ab prablemach sa zdaroŭjem u hetaj mužnaj žančyny.
Siońnia da jaje i da mižnarodnaj supolnaści źviarnułasia siastra palitźniavolenaj Taćciana Chomič. Bolš za try miesiacy ad Maryi niama nijakich viestak, apošni list ad jaje pryjšoŭ u pačatku lutaha. Tady Kaleśnikava napisała, što mocna straciła ŭ vazie, ale pakrysie stała jaje nabirać.
«Jak ty zaraz pačuvaješsia? Dzie ty zaraz?» — zadajecca pytańniem Taćciana Chomič.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Koleśnikova protiv nieho - titan i Holiaf, a on protiv niejo ničto i ni kto.