«Jabaćka lejtenanta Šmita» Siarhiej Zasłaŭski-Aŭtuchovič vyjšaŭ z sutak
Vyhladaje, što jon abyšoŭsia biez kryminalnaj spravy, adsiedzieŭšy tolki sutki ŭ tych umovach, što i ŭsie palityčnyja. Raniej Siarhiej Zasłaŭski-Aŭtuchovič prasłaviŭsia tym, što, budučy nieadnarazova sudzimy, pad maskaj pakaznoha jabaćki ŭciorsia ŭ davier da łukašenkaŭskich hienierałaŭ.
«Jon dakładna vyjšaŭ. Chto heta byŭ taki, ja daviedaŭsia tolki tady, kali vyjšaŭ z sutak i pračytaŭ «Našu Nivu». Siadzieŭ, jak i ŭsie palityčnyja, u takich ža ŭmovach. Adbyvali termin u pierapoŭnienaj kamiery, biez matracaŭ. Pra siabie jon raskazvaŭ, što pradprymalnik i dydžej», — raskazaŭ «Našaj Nivie» čałaviek, jaki pierasiakaŭsia z Zasłaŭskim na Akreścina.
U hety ž momant Aŭtuchovič uznaviŭ svaju aktyŭnaść u instahramie, kudy pościć fota i videa z trenirovak, a taksama źjaviŭsia anłajn u telehramie.
Da taho Zasłaŭski-Aŭtuchovič atrymaŭ zapar dva prysudy pa 15 sutak.
Siarhiej Aŭtuchovič-Zasłaŭski — psieŭdaśpiecnazaviec i psieŭdačempijon u ciažkaj atletycy.
U realnaści, šmatrazova sudzimy za razboi, jon zmoh stać namieśnikam Dźmitryja Paŭličenki ŭ Asacyjacyi vieteranaŭ śpiecnaza i stvaryć sabie bliskučuju reputacyju ŭ dziaržaŭnych orhanach. Aproč padstaŭnoj formy, u jaho byŭ tolki adzin arhumient — pazicyja «za Łukašenku».
Paśla taho, jak hety čałaviek vypadkova trapiŭ na Akreścina za repost artykuła pra siabie samoha ź niejkaha «ekstremisckaha» pa viersii łukašystaŭ resursu, žurnalistam stali viadomyja sapraŭdnyja detali jaho bijahrafii.
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin6
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1919
Kamientary
🤷🏻♂️