«Nikoli nie darujem». U hadavinu vyzvaleńnia Bučy Zialenski apublikavaŭ videa pra zabojstvy mirnych ukraincaŭ
Prezident Ukrainy Uładzimir Zialenski apublikavaŭ videarolik u honar hadaviny vyzvaleńnia Bučy ad rasijskich vojskaŭ.
«Buča i Bučanski rajon. 33 dni akupacyi. Bolš za 1400 śmierciaŭ, ź ich 37 — dziciačych. Bolš za 175 čałaviek znojdziena ŭ brackich mahiłach i katavalnych kamierach. 9000 rasijskich vajennych złačynstvaŭ. 365 dzion, jak heta znoŭ svabodny ŭkrainski horad. Simvał źvierstvaŭ armii krainy-akupanta. Nikoli nie darujem. Pakarajem usich vinavatych», — napisaŭ Zialenski pad videa.
U kancy lutaha minułaha hoda, u pačatku ŭvarvańnia, rasijskija vojski akupavali Buču i Irpień u Kijeŭskaj vobłaści. Paśla vyzvaleńnia ŭ hetych nasielenych punktach i najbližejšych vioskach byli vyjaŭlenyja masavyja pachavańni. Rasija admaŭlaje zabojstvy mirnych žycharoŭ, nazyvajučy hetyja paviedamleńni fejkami.
Kamientary