Hramadstva2525

Biełarusam mohuć zabaranić vydaču viz i dazvołaŭ na žycharstva ŭ Litvie. Novy zakonaprajekt u pytańniach i adkazach

Taki zakonaprajekt u pieršym čytańni pryniaŭ Siejm Litvy. Kali jon budzie pryniaty ŭ druhim čytańni, źmieny nabuduć moc.

Sojm Litvy ŭ pieršym čytańni pryniaŭ zakonaprajekt ab uviadzieńni abmiežavalnych zachadaŭ u adkaz na vajennuju ahresiju Rasiei va Ŭkrainie. Za jaho prahałasavali 113 deputataŭ, dzieviać ustrymalisia, paviedamlaje ahienctva BNS. «Radyjo Svaboda» raźbirałasia, što źmienić novy zakonaprajekt, kali budzie pryniaty ŭ pytańniach i adkazach. Aryhinał tekstu imaviernaha zakona možna pabačyć tut.

Litva bolš nia budzie vydavać biełarusam vizy?

Tak. Kali zakonaprajekt uchvalać, to Litva spynić vydaču vizaŭ biełarusam i rasiejcam jak na terytoryi Litvy, tak i ŭ zamiežnych pradstaŭnictvach. Vyklučeńnie budzie tolki ŭ vypadku, kali pasiarednikam u vydačy vizaŭ vystupaje Ministerstva zamiežnych spraŭ Litvy. Zaraz biełarusam u Biełarusi taksama amal niemahčyma atrymać šenhienskuju vizu ad Litvy biez pasiarednictva MZS.

Što budzie z vydačaj časovych dazvołaŭ na žycharstva?

Pryjom zajavak na časovy dazvoł na žycharstva dla hramadzian Biełarusi i Rasiei taksama spyniajecca, kali zakonaprajekt uchvalać. Vyklučeńnie budzie zroblenaje tolki dla tych, chto ŭžo maje ci to šenhienskuju, ci to nacyjanalnuju vizu, albo časovy dazvoł na žycharstva ŭ Litvie. Heta značyć, padavać dakumenty na časovy dazvoł na žycharstva zmohuć tyja, chto maje vizu, ci tyja, chto ŭžo atrymlivaŭ časovy dazvoł na žycharstva.

Ci zmohuć biełarusy ź vizami, jak i raniej, pryjaždžać u Litvu?

Tak. Zakonaprajekt nie praduhledžvaje niejkich dadatkovych formaŭ kantrolu dla biełarusaŭ na miažy ź Litvoj, kali jany ŭžo majuć vizu. Adnak takija formy kantrolu isnujuć dla hramadzian Rasiei. U metach biaśpieki Litvy zakon praduhledžvaje indyvidualnuju dadatkovuju pravierku hramadzian Rasiei, jakija pryjaždžajuć u Litvu, na miažy. Takaja pravierka nia budzie tyčycca hramadzian Rasiei, jakija:

  • majuć dazvoł na žycharstva Litvy ci inšaj krainy EZ;
  • majuć doŭhaterminovuju nacyjanalnuju vizu luboj krainy EZ;
  • jeduć tranzytam u Kalininhradzkuju vobłaść Rasiei;
  • źjaŭlajucca častkaj siamji hramadzianina krainy EZ;
  • źjaŭlajucca supracoŭnikami kampanii, jakaja zajmajecca mižnarodnymi pieravozkami;
  • jeduć u Litvu z humanitarnych pryčynaŭ;
  • źjaŭlajucca ŭciekačami zhodna ź Vienskaj kanvencyjaj.

Jakija składanaści buduć u biełarusaŭ, jakija ŭžo majuć dazvoł na žycharstva?

Kali zakonaprajekt uchvalać, to ad biełarusaŭ i rasiejcaŭ spyniać pryjom zajavak na status elektronnaha rezydenta. Heta elektronny podpis smart ID, jaki dazvalaje karystacca pasłuhami bankaŭ, daje dostup da apłaty kamunalnych pasłuh i šerahu inšych elektronnych pasłuh. U zakonaprajekcie niezrazumieła prapisany punkt nakont užo dziejsnych statusaŭ elektronnaha rezydenta, kali Smart ID u čałavieka ŭžo jość. Vyhladaje, što jon budzie dziejničać da terminu svajho skančeńnia.

Biełarusam zabaroniać kuplać nieruchomaść u Litvie?

Nie. Takoha punktu ŭ zakonaprajekcie niama. Zabarona na nabyćcio nieruchomaści tyčycca tolki hramadzian Rasiei, za vyklučeńniem tych, chto ŭžo maje časovy dazvoł na žycharstva.

Što źmienicca z atrymańniem litoŭskaha hramadzianstva?

Hramadzianie Biełarusi i Rasiei nia zmohuć padać dakumenty na litoŭskaje hramadzianstva, kali hety zakonaprajekt budzie ŭchvaleny. Padacca budzie možna tolki na vychad ź litoŭskaha hramadzianstva. Zakon, kali jaho prymuć, budzie dziejničać hod. Kali Sojm budzie razhladać zakonaprajekt u druhim čytańni, nie paviedamlajecca.

Kamientary25

  • Nie ŭvadzicie ludziej u padman
    22.03.2023
    Naša Niva, našto vy pišycie niepravieranuju infarmacyju? Majecca na ŭvazie pieršy punkt. Vizy na buduć vydavacca tolki za miežami Litvy. 
  • 33334
    22.03.2023
    Aleś, u sensie? Jany abaraniajucca ad akupantaŭ pad čas vajny!!! I pravilna robiać. Choć i nam heta nie na karyść
  • Śnid
    22.03.2023
    Ja nie ponimaju, začiem oni eto diełajut?

Ciapier čytajuć

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym5

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym

Usie naviny →
Usie naviny

Polskaja prakuratura paćviardžaje, što napad na rasijskaha apazicyjaniera Vołkava rabiŭsia «pad upłyvam» Leanida Nieŭźlina3

Łukašenka pryhraziŭ uradu adkaznaściu za «svavolstvy» z cenami5

Ukraina rakietnym udaram pakinuła rasijskuju elitnuju bryhadu marpiechaŭ biez kamandavańnia4

Iłan Mask zajaviŭ, što štučny intelekt užo siońnia razumniejšy za bolšaść ludziej5

Zialenski prapanavaŭ uznačalić urad Ukrainy Julii Śvirydzienka

Labiedźka pra syna-palitviaźnia: Heta nie bravada, ja hatovy abmianiać siabie na jaho12

Łukašenka pravieryŭ fizpadrychtoŭku hienierałaŭ. «Usie pakazali tolki vydatnyja vyniki»17

U Kramatorsku źbiehli z-pad ukrainskaha kanvoju čaćviora rasijskich vajskoŭcaŭ3

Na raskopkach u Kreŭskim zamku znajšli niekalki kukuciaŭ. Što heta takoje?1

bolš čytanych navin
bolš łajkanych navin

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym5

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym

Hałoŭnaje
Usie naviny →

Zaŭvaha:

 

 

 

 

Zakryć Paviedamić