Šajhu naviedaŭ front u pierajmańnie Pryhožyna — brytanskaja raźviedka
U novaj zvodcy Ministerstva abarony Vialikabrytanii analizuje videa za 4 sakavika, jakoje zroblena, jak śćviardžajecca, padčas vizitu ministra abarony Rasii Siarhieja Šajhu ŭ zonu bajavych dziejańniaŭ va Ukrainie.
Raźviedka ličyć, što heta, mahčyma, stała adkazam na kadry, dzie zasnavalnik PVK «Vahnier» naviedvaje svaich bajcoŭ na pieradavoj. Jaŭhien Pryhožyn znachodzicca ŭ kanflikcie ź Minabarony, i, vierahodna, Šajhu chvaravita stavicca da paraŭnańniaŭ ź im.
Adzinym vysokapastaŭlenym kamandziram rasijskich vojskaŭ va Ukrainie, pakazanym na videa razam z Šajhu, byŭ hienierał-pałkoŭnik Rustam Muradaŭ. Charakterna, što Muradaŭ adkazvaje za vuhladarski siektar Danieckaj vobłaści, dzie za apošnija try miesiacy pravaliłasia niekalki sprobaŭ nastupu.
Da niadaŭniaha času rasijskaje kamandavańnie ŭskładała vialikija nadziei na praryŭ pad Vuhladaram. Ciapier pierad im staić dylema: raspačać jašče adnu sprobu nastupu ŭ hetym rajonie abo kinuć usie siły na žorstkija bai na poŭnač ad Bachmuta i Kramiannoj.
Kamientary