Sprabujučy vykanać daručeńni Łukašenki, dadzienyja 6 kastryčnika 2022 hoda na naradzie z ekanamičnym błokam, urad vydaŭ užo niekalki pastanoŭ, jakija tym ci inšym čynam datyčać «rasčlanionaj kurycy». Ale, vidać, prablemy zastajucca, bo Ministerstva antymanapolnaha rehulavańnia i handlu dniami pryniało jašče adnu.
U Nacyjanalnym rejestry pravavych aktaŭ zarehistravanaja pastanova MARH №5 ad 9 studzienia pad nazvaj «Ab rehulavańni cen na miasa kurej, kuraniat brojleraŭ ŭ vyhladzie častak tuški».
Praŭda, dakumient jašče aficyjna nie apublikavany, jaho źmiest pakul nieviadomy.
U kancy śniežnia Saviet ministraŭ užo pierahledzieŭ papiaredniuju svaju zabaronu na razrazańnie ptuški ŭłasnaj vytvorčaści ŭ kramach. Novaj pastanovaj kramam dazvolili heta rabić ź luboj ptuškaj, akramia kurej i kuraniat brojleraŭ.
Na naradzie 6 kastryčnika Łukašenka asobna spyniŭsia na tym, što vytvorcy miasa ptuški, abychodziačy miechanizmy rehulavańnia cen, jakija dziejničali ŭ krainie, pavyšajuć košt kurynaj raździełki ŭ paraŭnańni z cełymi tuškami kuraniaci.
«Bačycie, byŭ chleb, kurania — źjaviŭsia novy tavar! Rasčlanili dochłuju kurycu, uvapchnuli ŭ polietylenavy pakiet — novy tavar!» — aburaŭsia tady Łukašenka. Paśla taho «rasčlanionaja kuryca» stała miemam, a čynoŭniki ŭžo niekalki miesiacaŭ bajacca zrabić štości takoje, što moža być rascenienaje jak dziejańni nasupierak słovam najvyšejšaha načalnika.
Čytajcie taksama:
MARH źmianiŭ pastanovu ab cenach na kurycu
Rasčlanionaja kuryca pryviała da kryminalnaj spravy
Pryniali śpiecyjalnuju pastanovu pra «rasčlanionuju kurycu»
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary