Słaŭny biełaruski litaraturaznaŭca, pierakładčyk i metr kultury biełaruskaha maŭleńnia Andrej Kalada pamior 13 kastryčnika ŭ Minsku, ale jaho prach byŭ pachavany 18 listapada na Bromptanskich mohiłkach u Łondanie, piša «Novy čas».
U brytanskaj stalicy žyvie dačka Andreja Kalady — Natalla Kalada z mužam Mikałajem Chalezinym.
Cyrymonija raźvitańnia adbyłasia ŭ mohiłkavaj kaplicy. Słužbu pravioŭ śviatar Siarhiej Stasievič. Ciapier na viadomych łondanskich mohiłkach źjaviłasia novaje biełaruskaje miesca ŭšanavańnia pamiaci i naviedvańnia. Aprača mahiłki Andreja Kalady ŭ Bromptanskim niekropali pachavanyja inšyja słavutyja asoby: lidarka brytanskaha sufražysckaha ruchu Emelin Pankhierst, piśmieńnik i stvaralnik słova «falkłor» Uiljam Toms, mastak Valancin Prynsep, palarny daśledčyk Edvard Biełčer, hieałahinia Šarłota Merčysan i inšyja.
Navukoviec i piedahoh pakinuŭ važny, prosty i taki aptymistyčny zapaviet biełarusam, mnohija ź jakich u čas biełaruskaha hvałtu i vajny zusim pobač zhubili aryjenciry: «Treba žyć — rabić svajo, a nie isnavać, nie dažyvać».
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary