Kamanda Navalnaha vypuściła rasśledavańnie «Jak Suravikin zarablaje na vajnie»
Lesapramysłovaje pradpryjemstva sa Śviardłoŭskaj vobłaści, źviazanaje z žonkaj hienierała Siarhieja Suravikina, atrymlivała hrošy ad kampanii pa zdabyčy fasfataŭ u Siryi, źviazanaj ź siabram prezidenta Rasii Uładzimira Pucina Hienadziem Cimčankam. Pra heta havorycca ŭ novym rasśledavańni kamandy apazicyjaniera Alaksieja Navalnaha.
Siarhiej Suravikin — kamandujučy rasijskaj hrupoŭkaj va Ukrainie, jaki raniej kamandavaŭ vojskami Rasii u Siryi. Jaho žonka Hanna Suravikina ŭ siaredzinie 2000-ch stała suzasnavalnicaj firmy «Arhus SFK». Biznes-partnioram žonki hienierała była Anastasija Mišaryna — dačka namieśnika ministra transpartu Rasii, jaki paźniej staŭ hubiernataram Śviardłoŭskaj vobłaści.
U 2011 hodzie Leanid Vołkaŭ — adzin z najbližejšych paplečnikaŭ Navalnaha, jaki na toj momant byŭ deputatam haradskoj dumy Jekacierynburha, — abvinavaciŭ «Arhus SFK» u niezakonnym atrymańni lhot; paźniej sud zapatrabavaŭ abvierhnuć hetyja zajavy.
Jak paviedamlaje kamanda Navalnaha, firma «Arhus SFK» praciahvaje pracavać dahetul, choć u jaje źmianilisia ŭłaśniki. Jak minimum z 2018 hoda «Arhus SFK» była stratnaj.
Struktury Cimčanki pačali adnaŭlać zdabyču na radoviščach fasfataŭ Eš-Šarkija i Chniejfis letam 2017 hoda. U śniežni taho ž hoda Suravikin, jaki byŭ kamandujučym rasijskimi vojskami ŭ Siryi, asabista dakładvaŭ prezidentu Rasii ab vyzvaleńni dvuch radoviščaŭ fasfatnych rud. Kamanda Navalnaha miarkuje, što rasijskija vajskoŭcy taksama brali ŭdzieł u zabieśpiačeńni biaśpiečnaha vyvazu fasfataŭ ź Siryi.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary