Bujny biznesmien Aleh Cińkoŭ admoviŭsia ad rasijskaha hramadzianstva
Były ŭładalnik rasijskaha «Tińkoff banka» Aleh Cińkoŭ vyrašyŭ admovicca ad rasijskaha hramadzianstva. Pra heta jon paviedamiŭ na svajoj staroncy ŭ instahramie.
«Ja aficyjna admoviŭsia ad rasijskaha hramadzianstva», — napisaŭ Cińkoŭ i apublikavaŭ daviedku ab vychadzie z hramadzianstva, datavanuju 26 kastryčnika.
«Ja nie mahu i nie budu asacyjavacca z fašysckaj krainaj, jakaja raźviazała vajnu sa svaim mirnym susiedam i štodnia zabivaje niavinnych ludziej. Mnie soramna praciahvać mieć hety pašpart», — napisaŭ jon.
Cińkoŭ spadziajecca, što za jahonym prykładam pojduć i inšyja rasijskija biznesoŭcy, što dapamoža asłabić pucinski režym i ŭrešcie pryviadzie jaho da parazy.
Aleh Cińkoŭ zajmaje 32-je miesca ŭ rejtynhu 200 najbahaciejšych biznesmienaŭ Rasii z kapitałam u 470 młn dalaraŭ. Jon užo piaty pradprymalnik ź liku byłych i dziejnych udzielnikaŭ rejtynhu Forbes, jaki admoviŭsia ad rasijskaha pašparta ŭ apošnija miesiacy.
Raniej ad rasijskaha hramadzianstva admovilisia IT-inviestar Juryj Milnier, zasnavalnik inviestkampanii Freedom Finance Cimur Turłaŭ, pradprymalnik Rubien Vardanian i Mikałaj Staronski, adzin z zasnavalnikaŭ kampanii Revolut.
Ciapier čytajuć
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni2
Kamientary
čtob nałohov mieńšie płatiť …
I siejčas ,nado dumať , jesť vyhoda v otkazie ot rośsijskoho ))
Da i navierniaka kozyrnyj izrailskij pasport v rukavie ostałsia.