Piarcoŭ: My padychodzim da pytańnia rehulavańnia ałharytmaŭ sacyjalnych sietak
«Heta vielmi surjoznaja śfiera», — zajaviŭ ministr infarmacyi, vystupajučy pierad studentami ŭ Hrodzienskim dziaržaŭnym univiersitecie, paviedamlaje BiełTA.
«My padychodzim da pytańnia rehulavańnia ałharytmaŭ sacyjalnych sietak, heta vielmi vialikaja śfiera, vielmi surjoznaja. My razumiejem, što lubaja sacyjalnaja sietka prymianiaje, na žal, padstupnyja ałharytmy pa farmiravańni peŭnaha śvietapohladu ŭ dziciaci. Heta pryjšło z markietynhu, ale ciapier heta poŭnaja ideałohija. I ŭsio toje, što my majem ciapier, heta vynik taho, što my dzieści niedapracavali. Tamu važna sustrakacca z moładździu, hladzieć dzieciam u vočy, adkazvać na lubyja, samyja niečakanyja i samyja niazručnyja pytańni», — skazaŭ Uładzimir Piarcoŭ.
Ministr ličyć, što inakš hetyja adkazy na pytańni daduć «našy apanienty».
«I budzie jak z historyjaj Vialikaj Ajčynnaj vajny, z historyjaj hienacydu biełaruskaha naroda i jak z usimi astatnimi našymi asnovatvornymi pastułatami. Pra jakija my dumali, što jany nieparušnyja. A ciapier majem toje, što stolki łuchty, stolki fejkaŭ. I jość užo cełaje pakaleńnie, jakoje vieryć u toje, što heta praŭda», — ličyć ministr.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary