Rasija sprabuje vierbavać byłych bajcoŭ afhanskaha śpiecnaza dla vajny va Ukrainie
Pavodle paviedamleńnia Foreign Policy, čalcy korpusa kamandas Nacyjanalnaj armii Afhanistana, jakija prajšli navučańnie ŭ Vialikabrytanii i ZŠA, atrymlivajuć prapanovy dałučycca da rasijskich uzbrojenych sił praź miesiendžary WhatsApp i Signal.
Paśla sychodu z Afhanistana sił Zachadu ŭ krainie zastalisia blizu 30 tysiač dobra navučanych bajcoŭ śpiecnaza, kažuć krynicy vydańnia.
Bolšaść ź ich zastalisia biez pracy, a niekatoryja aścierahajucca za svajo žyćcio, bo taliby majuć namier pomścić usim, chto supracoŭničaŭ ź siłami NATA.
Krynicy ŭ afhanskich słužbach biaśpieki miarkujuć, što ŭraźlivaść stanovišča hetych ludziej moža zrabić ich lohkaj zdabyčaj dla rasijskich viarboŭcaŭ.
«U ich niama ni krainy, ni pracy, ni budučyni. Im niama čaho hublać», — skazała adna z krynic Foreign Policy.
Na jaje dumku, pryniać prapanovu Rasii mohuć blizu 10 tysiač čałaviek. Heta moža surjozna adbicca na stanoviščy spraŭ na froncie, prahnazujuć ekśpierty.
Pakul niezrazumieła, jakim čynam jany mahli b pakinuć Afhanistan, ale, jak miarkujecca, Maskva voźmie na siabie ŭrehulavańnie hetaha pytańnia z režymam talibaŭ.
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia17
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1616
Kamientary