«Rytejł pieražyvie pieršy čas, ale realizacyja — chaos»: handlovyja sietki ŭ razhublenaści paśla papulizmu Łukašenki
Rytejlery raskazali «Našaj Nivie», jak razhortvajucca padziei na pačatku novaha tydnia paśla zahadu Łukašenki ab zamarozcy rostu cen. Niekatorych pastaŭščykoŭ zavaročvajuć nazad na skład i nie prymajuć tavary, niedzie — nie viedajuć što rabić z akcyjnymi cenami.
«Chaos. Rytejł nie viedaje, jak aceńvać novyja tavary. Što rabić z akcyjami i dyskontnymi prahramami, jakija dziejničali na momant zajavaŭ? Praciahvać pradavać sabie ŭ minus sa źnižkami ŭ 30%?
Adździeły handlu vykankamaŭ patrabujuć rejestry cenaŭ na 06.10. Pahražajuć, što adzin ekzemplar jany pakidajuć sabie, a druhi addajuć u prakuraturu. Na ŭsie pytańni pra zakonnaść dziejańniaŭ adkaz: słovy Łukašenki», — skazaŭ «Našaj Nivie» adzin z pracaŭnikoŭ rytejłu.
Toje ž samaje paćviardžajuć inšyja.
«Sietki zavaročvajuć mašyny pastaŭščykoŭ: nie prymajuć tavar, kali takoha raniej nie było, nie prymajuć tavar pa bolšaj canie. Niekatoryja nie biaruć uvohule ničoha. Pastaŭščyki jeduć nazad na aptovy skład», — skazaŭ inšy mieniedžar.
«Najpraściej hety pieryjad projduć praduktovyja rytejlery — narod ciapier ničoha darahoha nie kuplaje, niama prybytkaŭ. Usie hrošy — na pradukty.
Tamu praduktovyja rytejlery ŭ karotkaterminovaj pierśpiektyvie paciarpiać nie mocna. Buduć niedzie pierakryvać straty prybytkam z ajčynnych pazicyj. Tyja, chto vozić z-za miažy, im ciažej. Ale, kali laśnie kurs…» — razvažaje treci surazmoŭca.
Pa kramach paśla narady ŭ Łukašenki 6 kastryčnika pačali chadzić kantralory z Kamiteta dziaržkantrolu. Viadoma pra pieršuju kryminalnuju spravu za pavyšeńnie cen — u Babrujsku ŭ dačynieńni da pryvatnaha pradpryjemstva.
Łukašenka raspavioŭ, što budzie dalej z maratoryjem na rost cenaŭ
Za pavyšeńnie cen užo zaviedzienaja pieršaja kryminalnaja sprava
Paśla zabarony pavyšać ceny niekatoryja rajspažyŭtavarystvy paprybirali rascenki z sajtaŭ
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary