Ukraina hatovaja dać Jeŭropie dla farmiravańnia reziervaŭ hazu dostup da bolš za 30 miljardaŭ kubamietraŭ svaich hazavych schoviščaŭ. Pra heta zajaviŭ premjer-ministr Dzianis Šmyhal na pres-kanfierencyi ŭ Brusieli.
«Ukraina maje samyja vialikija padziemnyja schoviščy hazu ŭ Jeŭropie. Častku z abjomu bolš za 30 miljarda kubamietraŭ my možam prapanavać našym jeŭrapiejskim partnioram dla farmiravańnia svaich hazavych reziervaŭ va ŭmovach nienadziejnaści pastavak hazu z RF i niestabilnaha rynku», — adznačyŭ Šmyhal.
«Hazpram» dniami spyniŭ pracu hazapravoda «Paŭnočny patok» na niavyznačany termin z-za nibyta vyjaŭlenych niaspraŭnaściaŭ na apošniaj pracoŭnaj turbinie. Pres-sakratar prezidenta Rasii Dźmitryj Piaskoŭ zajaviŭ, što prablemy z prapampoŭkaj pa «Paŭnočnym patoku» ŭźnikli z-za sankcyj, jakija ŭviali krainy Zachadu, — i jana adnovicca tolki ŭ vypadku ich źniaćcia.
Pakul tranzit hazu ŭ Jeŭropu z boku Rasii całkam spynieny, a jeŭrapiejskija krainy naroščvajuć zapampoŭku hazu ŭ svaje schoviščy.
Kamientary