Google zabaronić VPN dla Android błakavać rekłamu. Što źmienicca?
Heta moža pieraškodzić pracy prahram, jakija abaraniajuć pryvatnaść, piša The Register.
Novaja palityka Google Play ustupić u siłu 1 listapada. Ciapier tolki prahramy, jakija realizujuć kłas Android VPNService i funkcyjanujuć jak VPN, mohuć pracavać na pryładach. VPN ciapier nie mohuć «manipulavać rekłamaj, jakaja moža paŭpłyvać na manietyzacyju prahram».
Praviły tearetyčna nakiravanyja na praduchileńnie zachopu danych VPN-servisami, takimi Onavo ad Facebook, jaki niadaŭna spyniŭ pracu, i na praduchileńnie machlarstva z rekłamaj. Ciapier raspracoŭščyki pavinny abjavić pra vykarystańnie słužby VPN ŭ śpisie Google Play svaich prahram, pavinny šyfravać danyja ad pryłady da kančatkovaj kropki VPN, a taksama vykonvać palityku prahramy dla raspracoŭščykaŭ, asabliva ŭ dačynieńni machlarstva z rekłamaj, dazvołaŭ i škodnasnych prahram.
Kampanija Blokada, šviedski vytvorca VPN, jaki błakuje rekłamu, aścierahajecca, što hetaje praviła zaškodzić jaje prahramie i inšym prahramam, aryjentavanym na pryvatnaść.
«Źmieny palityki raspaŭsiudžvajucca na prahramy, jakija vykarystoŭvajuć servis dla filtracyi trafiku łakalna na pryładzie», — napisała na minułym tydni Reda Łabdaŭi, mieniedžar pa markietynhu i prodažach kampanii Blokada, u svaim paviedamleńni na forumie.
Łabdaŭi kaža, što pacierpić braŭzier DuckDuckGo Privacy dla Android, jaki stvaraje łakalnuju słužbu VPN, kab App Tracking Protection błakavaŭ złučeńni ź siervierami trekieraŭ.
Inšym dadatkam, jakoje moža być zakranuta, Źjaŭlajecca Jumbo dla Android, jakoje taksama vykarystoŭvaje kod, źviazany z VPN, dla błakavańnia trekieraŭ.
Google užo šmat hadoŭ zabaraniaje prahramy dla Android, jakija błakujuć rekłamu ŭ inšych prahramach (za vyklučeńniem braŭzeraŭ), a veb-krama Chrome źmiaščaje farmuloŭku, jakaja dazvalaje zabłakać usie błakiroŭščyki rekłamu, kali Google zachoča heta zrabić. Naprykład, «my nie dazvalajem kantent, jaki škodzić abo pieraškadžaje pracy sietak, siervieraŭ abo inšaj infrastruktury Google abo trecich bakoŭ».
Google śćviardžaje, što choča dazvolić raspracoŭščykam «stvarać bolš biaśpiečnyja i pradukcyjnyja błakavalniki rekłamy», niahledziačy na toje, što pierachod na novyja praviły, chutčej za ŭsio, zrobić takija prahramy mienš funkcyjanalnymi.
Google nie adkazaŭ na prośbu pra kamientar.
-
Samsung prapanuje srodak ad młosnaści padčas pajezdki — śpiecyjalny huk sinusoidnaj chvali praz słuchaŭki
-
IT-hihanty masava zvalniajuć supracoŭnikaŭ, kab apłacić vykarystańnie štučnaha intelektu
-
Navukoŭcy razhadali adzin z hałoŭnych sakretaŭ Vialikaj piramidy — jak jana zdoleła vystajać padčas ziemlatrusaŭ
Kamientary