Sukamiernik Ihara Bancara: U jaho 18 administracyjnych artykułaŭ
Muzyka Fiodar Žyvaleŭski, jaki siadzieŭ na zavułku Akreścina razam ź Iharam Bancaram, raskazaŭ, što viadoma pra zatrymańnie apošniaha, piša «Svaboda».
Fiodar Žyvaleŭski — lidar rok-hurtu «Hołaja Manaška» i kaardynatar moładzievaha prajektu «SupKultUra».
Ź jaho słovaŭ, Bancaru dali 15 dzion administracyjnaha aryštu, za što — nieviadoma.
«Jamu dali 15 sutak, i jon loh i spaŭ na stale, pakul usie niervavalisia, kamu što daduć», — kaža Fiodar.
Ci vypuściać muzyku praz 15 dzion, pakul niajasna.
«Viedaju, što jamu 18 administracyjnych artykułaŭ paviesili i pryvieźli z Horadni», — raskazvaje Žyvaleŭski.
Što stała pryčynaj dla hetaha, taksama nieviadoma.
«Jon mnie raskazaŭ, što choča žyć tut i žyć narmalna, ale jamu jasna dajuć zrazumieć, kab jon źjechaŭ. Jon nie žadaje nikudy jechać… Mnie padałosia, što jon užo biez nadziei na toje, što niešta źmienicca… Raskazaŭ, što jaho mara — zajmacca muzykaj», — uspaminaje razmovy z Bancaram Fiodar.
Ihara Bancara zatrymali 4 žniŭnia ŭ hrodzienskaj kvatery. Sa słovaŭ svajakoŭ, u toj momant jon byŭ doma adzin. Ludzi ŭ cyvilnym i ŭ maskach vyłamali mietaličnyja dźviery ŭ kvateru i vyvieźli muzyku ŭ Minsk.
Ihar Bancar užo adsiadzieŭ termin paśla pratestaŭ 2020 hoda. Jaho sudzili za chulihanstva, bo jon u vieraśni 2020-ha stancavaŭ biez štanoŭ pierad milicejskaj mašynaj. Asudzili na paŭtara hoda «chimii». Padčas suda Bancar trymaŭ niekalki haładovak, u tym liku suchuju ciaham 16 dzion, i na toj momant heta byŭ biełaruski rekord.
Bancaru 42 hady, jon maje traich dziaciej. Ihar — viadomy hrodzienski muzykant. Paśla vyzvaleńnia sioleta jon admoviŭsia źjazdžać ź Biełarusi.
«Ja nastolki lublu Biełaruś, što hatovy tut siadzieć u turmie», — tłumačyŭ jon.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary