USU raskazali, jakaja technika była źniščanaja na aeradromie ŭ Krymie
U vyniku vybuchaŭ 9 žniŭnia na avijabazie ŭ Navafiodaraŭcy byli źniščanyja kala 10 rasijskich samalotaŭ i skład avijacyjnaha ŭzbrajeńnia. Pra heta paviedamiŭ pres-sakratar kamandavańnia Pavietranych sił USU Juryj Ihnat.
Jon paviedamiŭ, što na aeradromie «Saki» znachodzilisia samaloty Su-30 SM, Su-24, Ił-76 i, mahčyma, viertaloty.
«Pa vybuchu, jaki my bačyli na videa, zrazumieła, što byŭ paražony skład uzbrajeńnia, tamu što detanacyja była surjoznaja. Luby aeradrom vyvieści z ładu — heta dobra. A kali tam dadatkova źniščana ź dziasiatak samalotaŭ, to heta budzie sapraŭdnaja nievialikaja pieramoha», — skazaŭ Ihnat.
Raniej u kamandavańni Pavietranych sił paviedamlali, što na avijabazie źniščyli dzieviać samalotaŭ, jakija štodnia vylatali patrulavać pavietrany prastor kala Ukrainy, minajučy zonu dziejańnia SPA Ukrainy.
Usiaho ŭ Krymie piać aeradromaŭ, jakija Rasija moža vykarystoŭvać dla ŭźlotu samalotaŭ i naniasieńnia rakietnych udaraŭ pa Ukrainie, u dadatak da dziasiatkaŭ aeradromaŭ u Biełarusi i ŭ samoj Rasii.
Dniom 9 žniŭnia ŭ Krymie prahrymieli vybuchi na vajennym aeradromie ŭ Novafiodaraŭcy. Žychary Kryma publikavali ŭ sacsietkach videa, na jakich byli bačnyja jak minimum dva epicentry ahniu, i raskazvali, što čuli ad 7 da 12 vybuchaŭ.
Minabarony Rasii zajaviła, što pažar na avijabazie «Saki» ŭźnik z pryčyny detanacyi niekalkich avijacyjnych snaradaŭ. Paźniej krynica vajennaha viedamstva RF zajaviła TASS ab parušeńni patrabavańniaŭ pažarnaj biaśpieki na aeradromie pablizu Novafiodaraŭki.
Minabarony Ukrainy zajaviła, što nie moža vyśvietlić pryčynu ŭzharańnia ŭ Novafiodaraŭcy.
The New York Times sa spasyłkaj na vysokapastaŭlenaha ŭkrainskaha vajskoŭca napisała, što za vybuchami na aeradromie ŭ akupavanym Krymie stajać ukrainskija siły.
Daradca kiraŭnika Ofisa prezidenta Ukrainy Michaił Padalak zajaviŭ, što Kijeŭ nie datyčny da vybuchaŭ na aeradromie ŭ akupavanym Rasijaj Krymie.
-
Čamu Ukraina idzie nie abvastreńnie adnosin z Łukašenkam? Zapytali ŭ Ihara Kizima
-
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy
-
U Žłobinskim rajonie čałaviek zahinuŭ, paśliznuŭšysia ŭ lesie i naparoŭšysia na halinku
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy4
Kamientary