Niadaŭna pradstaŭniki biełaruskaha i rasijskaha biznesu padpisali miemarandum ab pašyreńni dziełavych kantaktaŭ u halinie inavacyj. U ramkach hetaha dakumienta, jak paviedamlaje telekanał STV, Biełaruskaja «Bieła-Koła» zamienić amierykanskuju haziroŭku, vytvorcy jakoj syšli z rynku susiedziaŭ.
Jašče ŭ mai Minski zavod biezałkaholnych napojaŭ, jaki vyrablaje «Bieła-Kołu», naraściŭ pastaŭki svajoj haziroŭki ŭ Rasiju na 50%. Pra toje, jakija jaje abjomy buduć pastaŭlacca tudy ciapier, nie ŭdakładniajecca.
U siužecie STV adznačajecca, što biełaruski vytvorca zachavaŭ impartnyja technałohii napoju.
Adnak biez kankurencyi na novym rynku nie abydziecca: vosieńniu ŭ Rasii źjaviacca i svaje hazavanyja napoi, jakimi płanujuć zamiaścić brend, jaki pakinuŭ rynak. Naprykład, pakupnikam užo abiacali źjaŭleńnie na palicach kram takich marak, jak «Dobryj Cola» abo «Dobryj Orange».
Darečy, raniej paviedamlałasia, što ŭ adnym ź sielhaspradpryjemstvaŭ Škłoŭskaha rajona koła prymianiajecca dla vypojvańnia chvorych cialat. I nibyta ajčynny anałah dla hetaha padychodzić navat lepš:
«Pavodle słoŭ dyrektara kałhasa, biełaruskaja «Bieła-Koła» bolš efiektyŭnaja ŭ lačeńni cialat, čym zamiežnaja Coca-Cola. Pa składzie i technałohijach što adna, što druhaja plus-minus adnolkavyja, adzinaje adroźnieńnie — u biełaruskaj kole jość kafiein, rastłumačyli na pradpryjemstvie. Cialaty pjuć, i stanoviacca bolš badzioryja».
Čytajcie taksama:
Cialat na škłoŭskaj fiermie pieraviali z Coca-Cola na patryjatyčnuju Bieła-Kołu
Na fiermie ŭ Škłoŭskim rajonie cialatam dajuć «Koka-Kołu»
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary