Biełarus utapiŭsia na plažy ŭ Kłajpiedzie, jašče dvaich vyratavali
23 lipienia ŭviečary na plažy Hirulaj u Kłajpiedzie patanuŭ biełarus. Jašče dvuch mužčyn, jakija kupalisia razam ź im u mory, vyratavali. Pra heta paviedamlaje «Radyjo Svaboda» sa spasyłkaj na litoŭskaha vydaŭca i žurnalista Antanasa Staniavičusa.
«Dvuch mužčyn vyciahnuli na bierah. Ich reanimavali, miedyki akazali im dapamohu. Kamanda ratavalnikaŭ, vadałazaŭ i viertalot šukali mužčynu ŭ mory», — piša Staniavičus.
Ranicaj u niadzielu, 24 lipienia, kiraŭnik ratavalnikaŭ «Kłajpiedzkija plažy» paviedamiŭ vydańniu AtviraKlaipeda.lt, što cieła patanułaha dahetul nie znajšli.
«U subotu ŭ mory byli vialikija chvali, uźniali čyrvony ściah. Troje chłopcaŭ ź Biełarusi kupalisia i trapili ŭ adbojnuju chvalu. Dvuch my vyratavali, adzin źnik bieź viestak», — paviedamiŭ jon.
Pavodle ratavalnika, usie troje hramadzian Biełarusi pracavali ŭ adnoj firmie, zarehistravanaj u Trokach.
Palicyja paviedamiła, što ŭ 41-hadovaha vyratavanaha mužčyny ŭ kryvi było 1,26 pramile ałkaholu. Druhi, 38-hadovy mužčyna, jakoha vyratavali, byŭ ćviarozy.
Paviedamlajuć, što mužčyna, jaki źnik bieź viestak, 1980 hoda naradžeńnia.
Sioleta heta pieršaja achviara na plažy ŭ Kłajpiedzie.
Kamientary