Niamiecki ministr: Vieryć Pucinu ŭ spravie tranzitu zbožža — toje samaje, što vieryć u Santa-Kłausa
Ministr sielskaj haspadarki Hiermanii Džem Ozdemir u paniadziełak skieptyčna pastaviŭsia da mahčymaj ździełki pamiž Ukrainaj i Rasijaj ab eksparcie ŭkrainskich praduktaŭ marskim šlacham. Pra heta paviedamlaje vydańnie Politico.
«Ja nie dumaju, što z hetaha mnohaje atrymajecca, bo [heta] hruntujecca na słovach Pucina, [jakija] nie kaštujuć papiery, na jakoj napisanyja.
Kali vy ŭsio jašče vierycie słovu Pucina, možacie z takim ža pośpiecham pavieryć u Santa-Kłaŭsa abo vielikodnaha zajca. Prykładna taki ž uzrovień surjoznaści i dakładnaści», — zajaviŭ Ozdemir.
Ministr u toj ža čas zaklikaŭ Jeŭrapiejskuju kamisiju być bolš aktyŭnaj u pavieličeńni ekspartu ŭkrainskaha zbožža aŭtamabilnym i čyhunačnym transpartam — navat niahledziačy na toje, što suchaputnymi maršrutami, jak ličycca, niemahčyma pieravozić takuju ž kolkaść zbožža, jak pa Čornym mory.
«Susiednija krainy i asobnyja dziaržavy-členy nie mohuć zrabić heta samastojna. Dla hetaha patrabujecca kiraŭnictva Kamisii», — skazaŭ Ozdemir, zaklikaŭšy Brusiel arhanizavać stvareńnie «pastajannaha alternatyŭnaha maršrutu dla ekspartu zbožža z Ukrainy».
Kamientary