Zvarot «Tavarystva biełaruskaj škoły».
Jak viadoma, žyćcio raźvivajecca pa śpirali, niekatoryja padobnyja prajavy jaho paŭtarajucca praz peŭny pieryjad. My ćviorda ŭpeŭnieny ŭ tym, što novy vitok adradženskaha ruchu, jaki vyviedzie Biełaruś na «pačesny pasad miž narodami», nie za harami.
U 1993 hodzie ŭ pieršych biełaruskamoŭnych kłasach navučałasia 76% ad usich pieršakłaśnikaŭ, a ŭ staličnaj vobłaści navat – 92,6%. Tyja, chto navučaŭsia tady, užo sami stanoviacca baćkami i addajuć svaich dziaciej u daškolnyja ŭstanovy ź biełaruskaj movaj navučańnia i vychavańnia, pieršyja biełaruskija kłasy. Pra svoj namier adkryć novyja hrupy i kłasy zajavili praź ŚMI našy aktyvisty ŭ Minsku, Breście, Hrodnie, Mahilovie, Lidzie.
U Minsku prymajuć zajavy nie siem adukacyjnych ustanoŭ ź biełaruskaj movaj navučańnia, jak pra heta pisali niekatoryja haziety. Sioleta navučańnie pa-biełarusku viałosia ŭ 18-ci ahulnaadukacyjnych ustanovach: himnazijach № 4, 9, 14, 23, 28, himnazii-kaledžy mastactvaŭ, SŠ № 11, 60, 68, 72, 89, 108, 131, 180, 190, 205, 209, 218. Možna pradoŭžyć i lik daškolnych ustanoŭ stalicy, akramia nazvanych u ŚMI (№ 187, 234, 314, 412, 522, 534) , naprykład, 533, 133 i inš.
Jak pakazvaje dośvied, pośpiech stvareńnia novych navučalnych i vychavaŭčych supołak u adukacyjnych ustanovach u bolšaj stupieni zaležyć ad aktyŭnasci i pradprymalnasci zacikaŭlenych baćkoŭ. Dyk za spravu! U svaju čarhu Respublikanskaje hramadskaje abjadnańnie «Tavarystva biełaruskaj škoły» znojdzie mahčymaść na pačatku navučalnaha hoda maralna padtrymać lepšych aktyvistaŭ, novyja biełaruskija kłasy i hrupy ŭ sadach krainy.
Dasyłajcie infarmacyju pra aktyvistaŭ stvareńnia biełaruskich kłasaŭ i hrup u daškolnych ustanovach na adrasy TBŠ ([email protected]) ci telefanujcie (8029-7520821) da 15vieraśnia 2009 h.
Kamientary