Recept na vychodnyja. Biskvitny piroh ź imbiram — prosty i duchmiany
Skarystajciesia receptam prostaha i duchmianaha imbirnaha piraha-biskvita.
Fota: BBC Food
Kab zrabić biskvitny piroh ź imbiram, vam spatrebicca:
- 200 hramaŭ muki
- 200 hramaŭ cukru
- čajnaja łyžka mołataha imbiercu
- čajnaja łyžka charčovaj sody
- 55 hramaŭ masła + dla zmazvańnia formy
- 1 jajka
- 2 stałovyja łyžki kukuruznaha siropu (možna zamianić na vadki miod)
- 240 mililitraŭ haračaje vady
- Razahrejcie duchoŭku da 180 hradusaŭ. Zaścialicie formu pamieram 28 na 18 santymietraŭ papieraj dla vypiakańnia i zmažcie papieru masłam.
- Źmiašajcie ŭ miscy muku, cukar, imbir i sodu. Pastupova dadavajcie masła i pieramiešvajcie sumieś rukami, pakul jana nie stanie nahadvać panirovačnyja suchary. Dadajcie sirop ci miod, uźbitaje jajka i haračuju vadu. Dobra pieramiašajcie łyžkaj (lepiej draŭlanaj), pakul sumieś nie stanie adnarodnaj.
- Vylicie sumieś u padrychtavanuju formu i vypiakajcie jaje ŭ duchoŭcy 35—40 chvilin, ci pakul koler piraha nie stanie załacista-karyčnievym, a vierch nie budzie spružynić pry dotyku. Pakińcie piroh u formie, pakul jon nie astynie, potym narežcie jaho na kvadraciki.
Čytajcie taksama:
Recept dla piknika na vychadnyja. Kuryny šašłyk pa-chutkamu
Recept na vychadnyja. Pirožnyja paštejš — vizitnaja kartka partuhalskaj kuchni
Ciapier čytajuć
U biełarusaŭ Polščy byli pryčyny nie hałasavać za Tšaskoŭskaha22
Kamientary