Ź Biełarusi evakujavali čałavieka ź niezvyčajnym chobi. Jon vykazvaŭ hramadzianskuju pazicyju, prosta biehajučy
Ź Biełarusi ŭdałosia vyjechać ad pieraśledu čałavieku ź niezvyčajnym chobi. Jon surjozna zajmajecca bieham, a pakolki nie lubić adnastajnyja maršruty pa 5-6 razoŭ na tydzień, to prakładaje maršruty tak, kab stvarać GPS-malunki. U jaho arsienale dziasiatki takich malunkaŭ, siarod jakich i na hramadska-palityčnuju tematyku: «Pahonia», Babaryka, suprać vajny ŭ padtrymku Ukrainy i šmat inšych. Urešcie z-za hetaha daviałosia ŭciakać, piša Fond salidarnaści BYSOL.
Minčanin Vadzim Simanaŭ — śpiecyjalist pa prodažach. Biehać pačaŭ z dabračynnaha paŭmarafona bolš za piać hadoŭ tamu, a praź niejki čas trapiŭ u škołu padrychtoŭki da nastupnaha zabiehu, uciahnuŭsia ŭ sport i zdabyŭ novaje asiarodździe.
U 2020 hodzie jaho zachapiła ahulnaja płyń prahi da pieramienaŭ u krainie:
«Ja nie chavaŭ nikoli svaju pazicyju, biehaŭ pa rajonie sa ściaham, chadziŭ na dvarovyja maršy, malavaŭ art. Mnie ŭžo letaś prychodziła pozva «na razmovu» za fota ŭ sacsietkach, ale ŭsio skončyłasia hutarkaj pa telefonie».
Ciapier ža ŭsio kudy bolš surjozna:
«Pierad refierendumam u lutym 2022 hoda, pa adrasie majoj prapiski da byłoj žonki «prylataŭ natoŭp kasmanaŭtaŭ», šukali mianie. Dobra, što dzieci byli ŭ škole, nie bačyli žachu. Ja tak zrazumieŭ, što jany rabili tak z usimi bolš-mienš aktyŭnymi».
Urešcie na minułym tydni čałavieku pryjšła jašče adna pozva ŭ paštovuju skryniu, a na vajbier pryjšło «zaprašeńnie» ŭ sud pa administracyjnaj spravie 19.11 častka 2. Učastkovy rastłumačyŭ, što vyklikajuć na razmovu za intervju, jakoje ja davaŭ ŚMI, za moj bieh, za reposty ekstremisckich materyjałaŭ u sacsietkach. Razumiejučy, što heta značyć, Simanaŭ vyjechaŭ ź Biełarusi ŭ Tbilisi.
Evakujavaŭsia, jak śćviardžaje, za 10 chvilin, zachapiŭšy tolki zaplečnik, a ŭ im biehavyja krasoŭki. U Tbilisi novaje žyćcio pačaŭ z prabiehu na 10 km, jakim vypisaŭ słova «ŽYVIE».
Apošnija «tvory» Vadzima Simanava, zroblenyja jašče padčas znachodžańnia ŭ Biełarusi:
Bolš pra Vadzima Simanava — u hetym videa.
-
Dziadok — apazicyjanieram: Zajmajučysia dyskredytacyjaj Ofisa Cichanoŭskaj, vy ljacie vadu na młyn režymu
-
«Marzaluk — heta naš zubr». Jak praŭładny historyk niečakana staŭ trendam dla zumieraŭ u tyktoku
-
«Šatł-bas spačatku spyniŭsia, a potym pačaŭ pavolna kacicca nazad». Biełarus, jaki staŭ vidavočcam avaryi ŭ Tajłandzie, raskazaŭ padrabiaznaści
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary