Arbitražny sud Baškiryi častkova zadavoliŭ pazoŭ ansambla «Pieśniary» da arhanizataraŭ kancerta va Ufie, jaki prajšoŭ 3 kastryčnika 2019 hoda ŭ Pałacy moładzi. Z pradziusarskaha centra «Rydyus» i kampanii «Kasir.ru Baškartastan» spahnali pa 8 tysiač biełaruskich rubloŭ kampiensacyi za parušeńnie vyklučnych pravoŭ na tavarny znak «Pieśniary», piša RBK.
Ansambl źviarnuŭsia ŭ sud u žniŭni 2020 hoda. «Pieśniary» pieršapačatkova płanavali spahnać salidarna z «Radusa», «Kasir.ru Baškartastan», Baškirskaha dziaržaŭnaha ahrarnaha ŭniviersiteta (na bałansie VNU ličycca Pałac moładzi), «Kampanii Afiša» i TAA «Jandeks.Miedyjaservisy» 120 tysiač biełaruskich rubloŭ. Paźniej pamier patrabavańniaŭ byŭ pamienšany da 16 tysiač.
Pazoŭnik patrabavaŭ kampiensacyju za vykarystańnie zarehistravanaha na jaho tavarnaha znaka «Pieśniary» pry arhanizacyi i rekłamnaj kampanii kancerta va Ufie, dzie vystupali byłyja ŭdzielniki ansambla. Na kancercie vystupili Uładzimir Marusič, Pavieł Zajac, Viktar Małčanaŭ, Uładzimir Stamaci i Viačasłaŭ Isačenka, kiraŭnikom hrupy muzykaŭ źjaŭlaŭsia Ihar Śviečkin (z 1992 pa 2003 hady pracavaŭ dyrektaram zasnavalnika ansambla Uładzimira Mulavina). Fota vykanaŭcaŭ byli namalavanyja ŭ rekłamnych materyjałach, na afišy kancerta taksama pakazvałasia, što jon pryśviečany 50-hodździu lehiendarnaha ansambla, adnak dazvołu na vykarystańnie tavarnaha znaka arhanizatary nie atrymali, havorycca ŭ materyjałach spravy.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała24
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5555
Kamientary