Rasija mahła b dapamahčy vyrašyć kryzis ź mihrantami na miežach Biełarusi ź ES u jakaści pieramoŭnaha pasiarednika. Pra heta zajaviŭ žurnalistam u paniadziełak pres-sakratar prezidenta RF Dźmitryj Piaskoŭ, piša TASS.
Raniej Uładzimir Pucin paviedamiŭ, što Rasija hatovaja ŭsialak sadziejničać vyrašeńniu situacyi ź mihrantami, kali ad jaje niešta budzie zaležać.
Pradstaŭniku Kramla zadali pytańnie, jak RF mahła b dapamahčy ŭrehulavać hety kryzis.
«U hetym vypadku — vyklučna ŭ jakaści pieramoŭnaha pasiarednika, što zbolšaha i maje miesca», — rastłumačyŭ u adkaz Piaskoŭ.
ZŠA niapravilna traktujuć mihracyjny kryzis na biełaruska-polskaj miažy, zajaviŭ Piaskoŭ. Taksama jon paviedamiŭ, što ŭskładać na Łukašenku ŭsiu vinu ŭ situacyi ź mihrantami na miažy absalutna niapravilna.
Kamientary