Siońnia Alaksandr Łukašenka padpisaŭ ukaz ab uznaharodžańni dziaržaŭnymi ŭznaharodami pradstaŭnikoŭ roznych śfier dziejnaści. U śpisie ŭznaharodžanych 116 čałaviek.
Mastacki kiraŭnik Kupałaŭskaha teatra Volha Niafiodava stała zasłužanaj artystkaj.
Uletku 2020-ha teatr pakinuli mnohija akciory. Niafiodava była siarod tych, chto asudziŭ ludziej, što zvolnilisia.
Na sustrečy z Łukašenkam u lutym 2021-ha Niafiodava płakała, kažučy pra jaho vychad z aŭtamatam.
Alaksandr Łukašenka naviedaŭ u lutym Kupałaŭski teatr, pabyvaŭ na repietycyi śpiektakla «Paŭlinka» i pahutaryŭ z artystami. Jak raspaviała aktrysa Volha Niafiodava, ciapier u kalektyvie pracujuć nadziejnyja, addanyja svajoj spravie ludzi.
«Stajała ŭžo takoje pytańnie — radzimy. Nie prosta ściahi, jašče niešta. A mienavita radzimy, jakuju sapraŭdy chapnuć i nie zaŭvažać. Tut hłabalny momant. Jak jany nie zrazumieli? Čamu jany tak kupilisia? Zdali za biescań, nie padumaŭšy? Ja nie viedaju…» — emacyjna vykazałasia artystka.
Paźniej jana vystupiła na adkryćci kramy ałkaholu «Biełmytniaservis», što adkryŭsia ŭ Maładziečnie.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary