Na patrabavańnie Ministerstva infarmacyi ŭviečary 12 krasavika staŭ błakavacca dostup da sajta Naviny.online. Jak paviedamlaje samo vydańnie, sajt niedastupny dla karystalnikaŭ internetu ad pravajdaraŭ MTS, Life i «Biełtelekam».
Varta adznačyć, što ciapier sajt niedastupny ŭ MTS u Minsku, ale adkryvajecca ŭ Breście. Sajt pakul dastupny i ŭ «Biełtelekama».
Naviny.online — «lusterka» asnoŭnaha sajta internet-haziety Naviny.by, zabłakavanaha rašeńniem Mininfarma ŭ kancy žniŭnia 2020 hoda. Pryčynaj błakavańnia stali artykuły, jakija, na dumku ŭładaŭ, «niehatyŭna charaktaryzujuć situacyju ŭ Biełarusi paśla zakančeńnia elektaralnaj kampanii i dyskredytujuć dziejnaść dziaržaŭnych orhanaŭ».
Ź lista Mininfarma vynikała, što rašeńnie abmiežavać dostup da sajta prymała mižviedamasnaja kamisija pa biaśpiecy ŭ infarmacyjnaj śfiery pry Radzie Biaśpieki.
U kancy sakavika byli ŭniesieny źmieny ŭ pałažeńnie ab paradku abmiežavańnia (adnaŭleńnia) dostupu da internet-resursu. U pryvatnaści, dakumient dapoŭnieny abzacam nastupnaha źmiestu: «kopija internet-resursu — internet-resurs, padobny da stupieni źmiešvańnia ź internet-resursam, dostup da jakoha abmiežavany». Mininfarm pry vyjaŭleńni kopii internet-resursu budzie nakiroŭvać apaviaščeńnie ŭ Dziaržaŭnuju inśpiekcyju dla ŭklučeńnia adpaviednaha identyfikatara internet-resursu ŭ śpis abmiežavanaha dostupu. Pry ŭmovie znachodžańnia kopii internet-resursu ŭ nacyjanalnym siehmiencie internetu taksama apaviaščajecca jaje ŭładalnik. Na dumku ekśpiertaŭ, hetyja źmieny spraščajuć paradak błakavańnia kopij užo zabłakavanych anłajn-resursaŭ, nahadvaje Tut.by.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary