Italjanski zabudoŭščyk raźbiraje krany i sychodzić, ambicyjnaja budoŭla «Hazpram-centra» prypynienaja
My ŭžo zhadvali dramatyčnaje ŭźviadzieńnie «Hazpram-centra» ŭ Minsku, jakim zajmajecca «Hazpram Transhaz Biełaruś».
Budoŭla pačałasia ŭ 2013 hodzie na miescy śpiecyjalna źniesienaha dla hetaha aŭtavakzała «Maskoŭski».
Čakałasia, što ŭžo ŭ 2020-m «Hazpram-centr» stanie samym vysokim z funkcyjanujučych budynkaŭ stalicy, ale realnyja vyniki 7 hod raboty abmiežavany fundamientam i nievialikim karkasam pary nižnich pavierchaŭ.
Čytajcie: «Hazpram» budzie prasić Łukašenku praciahnuć budaŭnictva «Hazpram-centra» da kanca 2024. A zdać mielisia sioleta
Vyhladaje, na dadzieny momant budoŭla ŭvohule spyniena.
Jak viadoma «Našaj Nivie», z budoŭli sa skandałam sychodzić hienieralny padradčyk, italjanskaja firma Codest.
Užo vizualna bačna, jak zabudoŭščyk zhortvaje dziejnaść: budaŭničych kranaŭ zastałosia ŭsiaho dva, i ich čakaje los inšych — zabudoŭščyk raźbiraje ich i zvozić, bo płacić za arendu takoj darahoj techniki niama sensu, kali ničoha nie robicca.
Rabočych na ŭźviadzieńni kompleksu nie vidać.
Jak nam viadoma, piersanał italjancy pieravodziać na abjekty kampanii ŭ Rasii i na budoŭlu na vulicy Janki Kupały, dzie na miescy byłoj VDNH uzvodzicca hatel.
Jasna taksama, što i pamiž inšymi vykanaŭcami, zamoŭcami i kantralorami naźbiralisia krytyčnyja nieparazumieńni: nam viadoma ab niepraciahnieńni kantrakta ź inžyniernaj kampanijaj, ab peŭnych supiarečnaściach z prajektnym instytutam.
Atrymać apieratyŭny kamientar ad pres-sakratara «Hazpram Transhaz Biełaruś» nie ŭdałosia, tamu što, jak patłumačyli ŭ ofisie, jon pracuje dystancyjna, a na sajcie pry hetym ukazany haradski ofisny telefon.
Nam abiacali prajaśnić los budoŭli paźniej.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary