U niadzielu 7 lutaha Hanarovy mitrapalit Minska-Mahiloŭski arcybiskup Tadevuš Kandrusievič naviedaŭ Mahiloŭ, dzie pamaliŭsia ź miascovymi viernikami i pravioŭ sustreču z duchavienstvam Mahiloŭskaha rehijona, paviedamlaje catholic.by
«Jakija vysnovy my pavinny zrabić ź siońniašniaha Božaha słova? Najpierš my pavinny być instrumientam u rukach Jezusa, jaki dziejničaje i lečyć. Heta Jaho misija taksama i ŭ naš čas.
Nam usim nieabchodna lačyć našyja dumki, našu pamiać, našyja raźbityja ŭzajemaadnosiny, našu chvoruju krainu», — skazaŭ Hanarovy Mitrapalit Minska-Mahiloŭski.
«U nas taksama pavinna źjavicca žadańnie dapamahčy inšym, asabliva tym, chto ciarpić i žyvie ŭ niastačy. Praces našaha duchoŭnaha azdaraŭleńnia možna ličyć paśpiachovym tolki tady, kali my hatovyja dapamahać inšym», — zaznačyŭ arcypastyr.
Z horyčču kanstatavaŭšy, što siońnia biełaruskaje hramadstva raźbita ŭ vyniku hramadska-palityčnaha kryzisu, jaki praciahvajecca ŭžo paŭhoda, ijerarch prapanavaŭ zadumacca nad tym, jak jaho acalić i abjadnać.
Na dumku arcybiskupa Kandrusieviča, dla paśpiachovaha lačeńnia hetaj sacyjalnaj chvaroby, jak i ŭsich inšych chvarob, pieradusim nieabchodna pastavić pravilny dyjahnaz.
«Hrech źjaŭlajecca pieršapryčynaj našych prablem. My hublajem spakoj, bo padzialajemsia ŭnutry.
Ale kali my advaročvajemsia ad hrachu i padparadkoŭvajemsia Božaj voli, to zdabyvajem supakoj, unutranuju harmoniju i cełasnaść. Niezdarma Jezus vučyć, što błasłaŭlonyja čystyja sercam, bo jany ŭbačać Boha. Być čystym sercam aznačaje być abjadnanym z Boham. Mir — heta prysutnaść Boha ŭ našym sercy», — zaŭvažyŭ ijerarch. Svaju hamiliju jon zaviaršyŭ pažadańniem:
«Niachaj siońniašniaje Božaje słova zaachvocić nas budavać mir i adzinstva praź jednaść ź Jezusam, kab uzajemnaja luboŭ, prabačeńnie, zakonnaść, pašana adzin da adnaho zapanavali ŭ našaj Baćkaŭščynie».
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu2
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary