«Ab pierakidcy naftapatokaŭ mahu paćvierdzić, što takaja praca zapłanavanaja. U najbližejšy čas čakajucca sustrečy i nieabchodnyja kantakty. Detalizacyja budzie dastupnaja pa ich vynikach», — skazaŭ žurnalistam pres-sakratar kancerna «Biełnaftachim» Alaksandr Ciščanka, kamientujučy žurnalistam zajavu ministra enierhietyki Rasii Alaksandra Novaka, piša «Interfaks».
Jak paviedamlałasia, Novak u paniadziełak skazaŭ, što Rasija najbližejšym časam acenić mahčymaść pieraaryjentacyi pieravałki naftapraduktaŭ z krain Bałtyi ŭ rasijskija party.
«Ciapier prapracoŭvajecca pytańnie ab stvareńni ekanamičnych umoŭ, jakija byli b vyhadnyja ŭsim: i partam, i pieravozčykam, čyhuncy, i samim vytvorcam nafty», — paviedamiŭ Novak.
«Hetaja praca pačałasia, jana idzie. Dumaju, što na praciahu najbližejšych tydniaŭ jana budzie zavieršana. U vieraśni, tak. Daručeńnie jość, kab chutka zaviaršyć hetuju pracu», — skazaŭ jon.
Pa jaho słovach, svabodnyja mahutnaści jość. «Tut havorka idzie ab damoŭnych adnosinach, kab heta było ŭzajemavyhadna», — padkreśliŭ ministr.
Abjomy taksama źjaŭlajecca pradmietam pieramovaŭ, dadaŭ Novak. «My aceńvajem patencyjał u 3-4 młn t naftapraduktaŭ. Moža, buduć inšyja ličby», — udakładniŭ jon.
Jak paviedamlałasia, mahčymaść pierakidańnia pieravałki naftapraduktaŭ ź Litvy ŭ rasijskija party, u pryvatnaści, va Uść-Łuhu abmiarkoŭvałasia na pieramovach premjeraŭ RF i Biełarusi na minułym tydni.
Raniej Alaksandr Łukašenka zajaviŭ, što ŭ jakaści mier u adkaz na sankcyi bałtyjskich krain Biełaruś pierastanie karystacca ich partami dla pieravałki svaich ekspartnych hruzaŭ (u asnoŭnym, kalijnyja ŭhnajeńni i naftapradukty). Asnoŭny abjom transpartavanych marskim šlacham biełaruskich hruzaŭ prachodzić u Kłajpiedskim porcie Litvy.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu12
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary