Čuma starych. Francyja padličyła kolkaść pamierłych ad karanavirusa ŭ damach sastarełych
Francyja ažyćciaviła padlik starych, jakija pamierli, imavierna, ad karanavirusa ŭ damach sastarełych. Heta 884 čałavieki.
Usiaho ŭ damach sastarełych u krainie žyvie kala miljona čałaviek.
Raniej Francyja, jak i mnohija inšyja krainy, uličvała tolki śmierci, što zdarylisia va ŭstanovach achovy zdaroŭja. Novy ŭlik pryvioŭ da skačka ŭ francuzskaj statystycy śmierciaŭ. Usiaho ŭ Francyi ad karanavirusa pamierli 5387 čałaviek.
Prykład Francyi pakazvaje, što ličba śmierciaŭ ad karanavirusa moža być bolšaja za ŭličanuju statystykaj u mnohich krainach śvietu.
Asabliva ciažkaja situacyja z pandemijaj nazirajecca va ŭschodnim rehijonie Francyi — Elzasie. Heta źviazana z tym, što napačatku raspaŭsiudu infiekcyi chvory čałaviek prysutničaŭ na vialikim źjeździe miascovych viernikaŭ-jevanhielistaŭ, siarod jakich było niamała ludziej starejšaha ŭzrostu. Mienavita hetaja padzieja stała miescam masavaha raspaŭsiudu infiekcyi. U damach sastarełych uschodniaha rehijona naličyli 470 śmierciaŭ.
Francuzskija vajskoŭcy razharnuli kala horada Miułuz palavy špital dla chvorych, bo miascovyja balnicy całkam pierahružanyja.
Što datyčyć ahulnaj situacyi ŭ Francyi, to ŭ joj prahladajecca pieršaja pazityŭnaja tendencyja. Praz dva tydni paśla ŭviadzieńnia strohaha karancinu jon pačynaje davać efiekt. Kolkaść chvorych, jakich vyjaŭlajuć za dzień, pačała mienšać, epidemija, mačhyma, dasiahnuła stadyi «płato».
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary