Biełaruś i Litva imknucca žyć u dobrasusiedstvie. Pra heta zajaviŭ ministr zamiežnych spraŭ Uładzimir Makiej padčas sumiesnaj sustrečy ź litoŭskim kaleham Linasam Linkiavičusam i pradstaŭnikami dyjaspary ŭ Litoŭskim centry kultury ŭ Rymdziunach Astravieckaha rajona, piša sb.by.
«Ja liču, što vizit ministra zamiežnych spraŭ siudy, u hety kutok, i naša sumiesnaja sustreča tut — heta jaskravy prykład taho, što našy krainy imknucca žyć u dobrasusiedstvie. Viadoma, byvajuć i niejkija palityčnyja roznahałośsi, ale my ŭsie zacikaŭleny ŭ tym, kab my ŭsie žyli ŭ miry i spakoi. Ja chacieŭ by zapeŭnić vas, što biełaruskaja dziaržava budzie rabić usio, kab i ŭ vas žyćcio było pryhožym, utulnym i kab naša kraina žyła ŭ miry z usimi susiedziami», — padkreśliŭ Uładzimir Makiej.
Ministr adznačyŭ simvaličnaść sustrečy mienavita tut, u Rymdziunach. «Bo tut, u Rymdziunach, u Hierviatach, žyvie bolš za tysiaču litoŭcaŭ. A ŭsiaho ŭ Biełarusi litoŭskaja dyjaspara naličvaje bolš za 5 tysiač čałaviek. My kaliści žyli ŭ adnoj krainie i tut, na Haradzienščynie, zachavaŭsia ceły šerah pomnikaŭ», — adznačyŭ jon.
Tak, pryvioŭ prykłady Uładzimir Makiej, Navahradak kaliści byŭ stalicaj Vialikaha kniastva Litoŭskaha, u Lidzie vialiki kniaź Hiedymin pabudavaŭ zamak.
«Dziaržaŭnaja palityka Biełarusi nakiravana na toje, kab zachavać mir, spakoj i stabilnaść u našym hramadstvie. I nie dapuścić nijakich mižkanfiesijnych, mižnacyjanalnych kanfliktaŭ», — zajaviŭ Uładzimir Makiej i adznačyŭ, što Astraviecki rajon — jarki prykład taho, jak mohuć žyć razam ludzi roznych nacyjanalnaściaŭ.
Łatvija «pa techničnych pryčynach» zakryła miažu ź Biełaruśsiu12
Kamientary