Kazachstanskija daktary aformili žyvoje niemaŭla jak miortvaje, a potym zabili jaho, kab nie mianiać dakumienty
Kiraŭnika Atyrauskaha abłasnoha pierynatalnaha centra padazrajuć u zabojstvie novanarodžanaha niemaŭlaci: pra heta 4 kastryčnika raspavioŭ namieśnik kiraŭnika Ahienctva pa supraćdziejańni karupcyi Kazachstana Šynhys Kabduła.
Suprać daktaroŭ zaviali kryminalnuju spravu pa 99-m artykule KK Kazachstana — zabojstva.
Pa viersii śledstva, niemaŭla było pa chałatnaści aformlena jak miortvanarodžanaje, choć faktyčna jano było jašče žyvoje. Paśla taho, jak dzicia pačało padavać prykmiety žyćcia, lekary vyrašyli nie pieraafarmlać dakumienty: jany ŭžo znachodzilisia ŭ bazie i «nie mahli być adkarektavanyja», raspavioŭ Šynhys Kabduła.
Paśla hetaha dyrektar Atyrauskaha pierynatalnaha centra zahadaŭ źmiaścić dzicia ŭ chaładzilnuju kamieru, dzie jano nieŭzabavie pamierła, — miarkujuć śledčyja.
Ciapier abvinavačvanymi pa spravie prachodziać dva čałavieki: kiraŭnik radzilni i akušer-hiniekołah, jaki niepasredna prymaŭ rody, abodvum pahražaje da 20 hadoŭ pazbaŭleńnia voli.
Pra śmierć dziciaci stała viadoma vypadkova, kali išło inšaje rasśledavańnie suprać dyrektara radzilni.
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu15
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary