Makiej, jaho małodšy syn i svajaki Trampa pryjechali ŭ Navahrudak na adkryćcio miemaryjała ŭciekačam z hieta FOTY
U Navahrudku kala muzieja jaŭrejskaha supracivu ŭračysta adkryli Miemaryjalnuju ścianu — pomnik, pryśviečany ŭciokam jaŭrejaŭ u vieraśni 1943 hoda z Navahradskaha hieta — ludzi potym dałučylisia da partyzanskaha atrada bratoŭ Bielskich, piša Tut.by.
U mierapryjemstvie prymaje ŭdzieł i ministr zamiežnych spraŭ Biełarusi Uładzimir Makiej z synam Arciomam. Dla ich praviali ekskursiju pa Muziei habrejskaha supracivu, pakazali rečy partyzan, znojdzienyja pry archieałahičnych raskopkach. Stvaralnik muzieja Tamara Viaršyckaja raspaviała ministru, što ekspazicyja źjaviłasia dziakujučy byłomu viaźniu hieta Džeku Kahanu.
Na adkryćcio pomnika pryjechali taksama pradstaŭniki daradcy i ziacia prezydenta Trampa Džareda Kušniera, pasoł Vialikabrytanii Fijona Hib, dzieci i ŭnuki bratoŭ Bielskich, jakija arhanizavali ŭ vajnu jaŭrejski partyzanski atrad. Usiaho na adkryćci ściany było 150 čałaviek.
Ministr pahutaryŭ z pradstaŭnikami siamji Kušnieraŭ. Chielena Kušnier raspaviała ministru historyju vyratavańnia svajoj siamji: jaje baćki razam ź inšymi viaźniami Navahrudskaha hieta kapali tunel, praź jaki i zmahli ŭciačy. Pradstaŭniki habrejskich abščyn Biełarusi ŭ razmovie z Uładzimiram Makiejem paškadavali, što pra historyju Navahrudskaha hieta mała chto viedaje, pra hety epizod nie raspaviadajuć u škołach, i było b niadrenna pra ludziej, jakija byli zbaŭleny dziakujučy tunelu žyćcia, źniać film. Uładzimir Makiej pahadziŭsia, što heta niadrennaja ideja, i raspavioŭ, što i sam daviedaŭsia ab jaŭrejskim supracivie ŭ Navahradku užo ŭ stałym uzroście.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary