Kult. centr KORPUS (pr. Mašerava, 9). Pačatak a 19:00.
12 lipienia adbudziecca impreza, pryśviečanaja pieravydańniu knihi Michała Aniempadystava «Koler Biełarusi». Hety dyzajnierski albom staŭ apošniaj vialikaj pracaj vybitnaha dyzajniera, mastaka i paeta.
Kniha vučyć «dumać vačyma». «Heta ŭsio možna čytać nievierbalna. Prosta razhladać karcinki na ŭzroŭni pačućciaŭ i asacyjacyj, upadabańniaŭ… Heta cikavy i patrebny zaniatak, jakim my redka zajmajemsia. My razvučylisia dumać vačyma…» — raspaviadaŭ Michał Aniempadystaŭ.
Uviečary 12 lipienia my pasprabujem abjadnać słovy, vobrazy i muzyčnyja impravizacyi, kab zdoleć ubačyć, pačuć i zrazumieć siabie praź śviet koleraŭ, historyi i kultury.
U imprezie voźmuć udzieł aktor Raman Padalaka, muzyka Źmicier Łukjančyk i arhanizatar kampanii pa vydańni knihi Taciana Vadałažskaja.
Michał Aniempadystaŭ — biełaruski dyzajnier, hrafik, fatohraf, paet i pierakładčyk, aŭtar kultavaha «Narodnaha alboma». Jon pamior u studzieni 2018-ha ŭ 53-hadovym vieku.
Jaho kniha «Koler Biełarusi» — zachaplalnaje padarožža ŭ Biełaruś praz historyju i sučasnaść koleraŭ.
Heta adna ź pieršych sprobaŭ pradstavić biełaruskuju minuŭščynu i sučasnaść praź jaje kolery i adcieńni, pryrodnyja struktury, narodžanyja pad uździejańniami troch stychij.
Kniha ŭbačyła śviet dziakujučy srodkam, sabranym praz kraŭdfandynhavuju płatformu Ulej.by.
Na imprezu zaprašajucca ŭsie ŭdzielniki kampanii, kab atrymać svaje asobniki, a taksama tyja, chto choča paznajomicca z knihaj i nabyć jaje.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary