Historyja japanista Siarhieja i babuli Kłary, jakaja žyvie vyšyŭkaj, vieryć u narodnuju miedycynu i robić sełfi
U lutym «Naša Niva» i Samsung Galaxy A8|A8+ zaprasili ŭsich vas, šanoŭnyja čytačy, navučyć rabić sełfi svaich babul i dziadul.
Pieršyja šeść hierojaŭ užo dasłali nam svaje śmiełyja fotazdymki i pretendujuć na hałoŭny pryz konkursu «Navučy babulu rabić sełfi!» — adrazu dva smartfony Samsung Galaxy A8 i Galaxy A8+. Darečy, vy taksama možacie lohka paŭdzielničać. Jak? Hladzicie ŭmovy pa spasyłcy.
A pakul my znajomim vas z aŭtarkaj adnaho z dasłanych fota — 81-hadovaj Kłaraj Haŭryłaŭnaj Andrejevaj, jakaja vyłučajecca svajoj biaźmiežnaj luboŭju da vyšyŭki, što patrapiła i ŭ kadr pieršaha samastojna zroblenaha sełfi.
Unuk Siarhiej u apisańni da zdymka śćviardžaŭ, što ŭ kvatery babuli ŭžo nie chapaje ścien dla jaje karcin. My vyrašyli heta pravieryć i adpravilisia ŭ hości da siamji ŭ Sierabranku.
Nievialikaja kvatera Kłary Haŭryłaŭny, dzie siońnia jana žyvie razam z dvuma ŭnukami, sapraŭdy patanaje ŭ piejzažach i naciurmortach, vyšytych kryžykam i bisieram (i heta jana jašče častku siabram i svajakam razdaryła).
Na stale krasujucca bukiety, zroblenyja žančynaj z tych ža samych padručnych materyjałaŭ — jašče adno chobi. Vyšyvać spadarynia Kłara navučyłasia jašče ŭ škole, a na piensii, jak staŭ dazvalać čas, akunułasia ŭ zaniatak z hałavoj. Na adnu vialikuju karcinu ŭ jaje moža syści ad niekalkich miesiacaŭ až da paŭhoda!
Akramia taho, haspadynia zachaplajecca narodnaj miedycynaj. Heta, možna skazać, svojeasablivy adhałosak jaje prafiesii (Kłara Andrejeva amal usio žyćcio pracavała doktarkaj-łabarantkaj) i cikaŭnaści da ziamli, kvietak i dreŭ. Słovam, usiaho raślinnaha śvietu.
Cikava, što naradziłasia Kłara Haŭryłaŭna ŭ Minsku, ale pakolki baćka byŭ vajskoŭcam, paśpieła pažyć u roznych biełaruskich haradach, a jašče ŭ Polščy. Mienavita tam jaje, maleńkaj dziaŭčynkaj, zaśpieła Druhaja suśvietnaja vajna.
Jana pamiataje, što pierad tym, jak syści na front, baćka vysoka-vysoka padniaŭ jaje na rukach, a maci nakazaŭ bierahčy dziaciej. Bolš jana jaho nie bačyła: Haŭryłu Barkoŭskaha zabili niemcy, a maci razam ź inšymi žonkami vajskoŭcaŭ evakujavali z akupavanaj Polščy.
Tak jany stali žyć u vioscy Suchary, što ŭ Mahiloŭskaj vobłaści. Tam Kłara paznajomiłasia sa svaim budučym mužam, vykładčykam Alaksandram Andrejevym. Na žal, jaho rana nie stała: u 56 hod jon pamior ad chvaroby. Niahledziačy na heta, žančyna sama pastaviła na nohi dvaich dziaciej, a ciapier z zadavalnieńniem dahladaje i ŭnukaŭ. Dvoje z čatyroch ciapier žyvuć ź joj pad adnym dacham, bo pryjechali ŭ Minsk atrymlivać vyšejšuju adukacyju. Siarhiej, jaki vyvučaje linhvakrajaznaŭstva ŭ BDU, i zachapiŭ babulu idejaj uziać udzieł u konkursie «Našaj Nivy» i Samsung Galaxy A8|A8+.
«Sprava ŭ tym, što ja vyjhraŭ stažyroŭku ŭ Japonii. I kali ŭsio pojdzie pa płanie, to ŭ vieraśni na hod źjedu tudy. Z dumkami pra heta ja i sam źbiraŭsia adukoŭvać babulu ŭ techničnym płanie: nabyć joj telefon, pakazać, jak pracuje kamiera, skajp… Usio ž my nie raźvitvalisia ź joj na taki praciahły termin z samaha majho naradžeńnia, tamu chočacca padtrymlivać pastajanny kantakt navat na adlehłaści. A tut jakraz taki konkurs padviarnuŭsia, tamu ŭziaŭsia za praces navučańnia raniej», — raskazvaje Siarhiej.
Kłara Haŭryłaŭna spačatku skieptyčna hladzieła na ideju navučycca rabić sełfi, maŭlaŭ, chapaje i stacyjanarnaha tełefona. Ale ŭžo chutka rabiła svoj pieršy fotazdymak. Kab adšlifavać navyk, joj spatrebiłasia niekalki dzion.
Jana, kaniečnie, krychu sumuje, što lubimaha ŭnuka doŭha nie budzie pobač, ale razumieje: Siarhiej japonskaj kulturaj ź jaje movaj, anime, manha, muzykaj sa škoły byŭ mocna zachopleny. I raz užo jon źviazaŭ z hetym svaju adukacyju, to heta ŭsurjoz i nadoŭha. Spadarynia Kłara navat śpiecyjalna dla Siarhieja vyšyła niekalki ijerohlifaŭ — «Bukiet na ščaście».
Paśla zasvajeńnia mabilnaj hramatnaści haspadynia płanuje ŭziacca za padciahvańnie fizičnaj formy. Kab padtrymać zdaroŭje, viasnoj źbirajecca pačać rabić praktykavańni na školnym stadyjonie pobač. Niekatoryja hańbiać Sierabranku, a Kłara Haŭryłaŭna hety rajon prosta abažaje: «U nas tut i drevy, i rečka — adno zadavalnieńnie!»
Kali vy jašče nie bačyli, to voś hetaje sełfi razam z unukam Siarhiejem, dasłanaje na konkurs, pra jakoje tak šmat było havorana. Dušeŭnaje, praŭda?
Kab stać hierojami nastupnych publikacyj «Našaj Nivy» i pretendavać na smartfony Samsung Galaxy A8 i Samsung Galaxy A8+, taksama publikujcie sełfi babul ci dziadul u svaich sacyjalnych sietkach (nie zabyvajcie stavić cheštehi #nn_A8belarus #SamsungBelarus). Tym bolš napieradzie vialikija vychadnyja — samy čas naviedać svaich rodnych!
Kamientary