U Miadzielskim rajonie mužčyna paśla sproby zabojstva siastry i jaje siabroŭki bolš za miesiac chavaŭsia ŭ lesie, paviedamili BiełTA va UUS Minabłvykankama.
Sproba zabojstva adbyłasia ŭviečary 10 lipienia ŭ vioscy Korki: 47-hadovy Valancin Siarhiej udaryŭ nažom u šyju svaju siastru i jaje siabroŭku. Paśla hetaha chavaŭsia ŭ lasach abo ŭ zakinutych damach Miadzielščyny.
Mužčynu šukali supracoŭniki milicyi i Śledčy kamitet. Jak paviedamili va UUS Minabłvykankama, viečaram 22 žniŭnia padazravanaha znajšli i zatrymali milicyjanty. «Padčas pošukaŭ uciekača byŭ vyznačany ŭčastak miascovaści bolš za 30 ha lesu i bałot, dzie, chutčej za ŭsio, chavaŭsia mužčyna. Jon vielmi dobra viedaŭ miascovaść, što ŭskładniała pošukavyja mierapryjemstvy. Dla jaho pošukaŭ vykarystoŭvalisia viertalot, ciepłavizary, techničnaje sadziejničańnie akazvali rabotniki nacyjanalnaha parku «Naračanski», — prainfarmavaŭ časovy vykanaŭca abaviazkaŭ načalnika Miadzielskaha RAUS Uładzimir Jermałovič.
Niekalki razoŭ mužčynu zaŭvažali miascovyja žychary, adnak jon adrazu chavaŭsia, uciakaŭ u les, taksama stała zrazumieła, što pieryjadyčna jon načuje ŭ niežyłych damach. Tam, a taksama la daroh, dzie padazravany moh pradavać sabranyja im hryby i jahady, vystaŭlalisia zasady.
«Uviečary 22 žniŭnia pablizu adnaho z chutaroŭ kala vioski Dubniki taksama była vystaŭlena zasada. Tam padazravany byŭ zaŭvažany, sprabavaŭ schavacca, ale byŭ zatrymany supracoŭnikami milicyi», — raspavioŭ Uładzimir Jermałovič. Ciapier zatrymany znachodzicca ŭ izalatary časovaha ŭtrymańnia, ź im pracujuć śledčyja.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA14
Kamientary