Lizavieta Piaskova — dačka Dźmitryja Piaskova, pres-sakratara prezidenta Rasii Uładzimira Pucina. U apošnija tydni Piaskova napisała niekalki rezanansnych pastoŭ, a taksama dała intervju, jakija raźlacielisia na cytaty. Prapanujem samyja vostryja dumki.
Ja daŭno žyvu ŭ Paryžy. Raniej heta byŭ śvietły biaśpiečny horad, a ciapier vakoł mihranty padmanuć sprabujuć. Ja ni ŭ jakim razie nie rasist, ale zhodnaja z Trampam — Paryž užo nie Paryž.
U Paryžy zručniej, tam značna bolš paśpiavaješ, čym u Maskvie. Klimat dobry. Ja čałaviek śvietu, kasmapalit. Mnie śmiešna, kali kažuć, što ja pavinna žyć u Rasii. Ja ni adzin horad nie liču rodnym. Žartam u siamji my nazyvajem adzin adnaho kačeŭnikami.
U Rasii dobra, ale vydatna žyviecca tolki bahatym. Heta absurd, što miljony ludziej našaj bahataj krainy vymušanyja «vyžyvać». Jeŭropa bolš prystasavanaja dla žyćcia prostych ludziej. U našaj siamji nikoli ŭ žyćci nie adčuvali zajzdraści i złości da bolš paśpiachovych abo bahatych, čym my. Pamiataju časy, kali mama z tatam pa načach źjazdžali bambić, tamu što hrošaj nie było.
Z tatam my palityku nie abmiarkoŭvajem, ale ŭ nas roznyja pohlady. Ja liču, što ŭ Rasii treba mianiać sistemu adukacyi. Usie pavinny vučyć movy: u ruskich ludziach zakładziena hienietyčnaja schilnaść da zasvajeńnia zamiežnych moŭ. Upeŭnienaja, u Rasii, najbahaciejšaj krainie, maje mary ab adukacyi kali-niebudź stanuć javaj.
Kamientary