Aktyvista Ruchu za Svabodu Vitala Karatyša z Kažan-Haradka, jaki maje namier bałatavacca ŭ pałatu pradstaŭnikoŭ, niečakana zabirajuć słužyć.
Aktyvista Ruchu za Svabodu Vitala Karatyša z Kažan-Haradka, jaki maje namier bałatavacca ŭ pałatu pradstaŭnikoŭ, niečakana zabirajuć słužyć.
– Dumaju, heta źviazana z vybarčaj kampanijaj, - kaža Vital Karatyš. - Vajenny kamisar biez čarhi pravioŭ mianie pa ŭsim kabinietam miedyčnaj kamisii i zaraz u mianie na rukach paviestka, što zaŭtra a 9-aj ranicy mianie zabirajuć u armiju. Heta chiba što biesprecedentny vypadak ŭ historyi Łuninieckaha rajona.
Na dumku namieśnika kiraŭnika Ruchu za Svabodu Jurasia Hubareviča, aktyvista sprabujuć jak maha chutčej pryzvać u vojska pierad rehistracyjaj kandydata i takim čynam adchilić jaho ad udziełu ŭ vybarach, bo paśla rehistracyi kandydat maje prava na adterminoŭku pa pryzyvu.
– Pakolki inicyjatyŭnaja hrupa Vitala Karatyša zarehistravanaja, my praciahniem źbirać za jaho podpisy i ŭdzielničać u jaho vybarčaj kampanii, – kaža Juraś Hubarevič.
Admietna, što Łuninieckaja akruhovaja kamisija – adzinaja ź niamnohich, jakaja maje ŭ svaim pradstaŭnika demakratyčnych siłaŭ.
Kamientary