Źjaviłasia videa z kamier nazirańnia, dzie vidać, jak aŭtamabil jeździć pa terminale kazanskaha aeraporta, a supracoŭniki DIBDR pieraśledujuć jaho i sprabujuć spynić rukami. U kancy mašyna prabivaje šklanuju ścianu i vyjazdžaje na vulicu, dzie palicyjanty ŭ vyniku zatrymlivajuć mužčynu.
Incydent adbyŭsia ŭviečary 21 śniežnia. Pa dadzienych palicejskich, kiroŭca byŭ pad uździejańniem narkotykaŭ. U palicyi zajavili, što za rulom mašyny znachodziŭsia 40-hadovy Rusłan Nurtdzinaŭ, były śledčy UUS z Nabiarežnych Čałnoŭ. Zaraz jon pracuje ŭ achoŭnym biznesie.
Sud aryštavaŭ jaho na 15 sutak za zachoŭvańnie narkotykaŭ. Akramia taho, na jaho pačali dźvie kryminalnyja spravy: za napad na palicyjantaŭ i pryčynieńnie škody čužoj majomaści. Aeraport acaniŭ škodu ŭ šeść miljonaŭ rubloŭ (prykładna $100 tys.).
Ab pakarańni dla supracoŭnikaŭ palicyi i słužby biaśpieki aeraporta, jakija dapuścili, što pa terminale jak minimum piać chvilin jeździŭ aŭtamabil, nidzie nie paviedamlajecca.
Kamientary