Atrymanyja ad realizacyi knihi srodki televiadoŭca maje namier nakiravać u dabračynny fond dapamohi chośpisam «Viera», piša TASS.
Televiadoŭca Dźmitryj Šepieleŭ pradstaviŭ u paniadziełak u Maskvie knihu «Žanna», pryśviečanuju jaho hramadzianskaj žoncy, śpiavačcy Žańnie Fryskie, jakaja pajšła z žyćcia ŭ 2015 hodzie paśla praciahłaj baraćby z rakam.
«Hetaja kniha adrasavana ŭsim tym, chto sutyknuŭsia z prablemaj raka: chto zmahajecca sam, chto dapamahaje blizkamu čałavieku», — skazaŭ Šepieleŭ.
Televiadoŭca nazvaŭ čatyry pryčyny, pa jakich uziaŭsia za napisańnie knihi. Pa-pieršaje, heta infarmacyja. Ja dobra pamiataju, jak my daviedalisia pra dyjahnaz Žanny, tuju razhublenaść, jakuju my adčuvali: što rabić? Dzie šukać doktara, balnicu?» — pryznaŭsia Šepieleŭ, padkreśliŭšy, što dzielicca ŭ knizie miedycynskimi, psichałahičnymi i bytavymi paradami.
Druhoj pryčynaj, pavodle jaho słoŭ, staŭ strach. «My byli strašenna napałochanyja i pryraŭnoŭvali słovy «rak» i «śmierć», što ŭ korani niasłušna. Ja zaklikaju nie maŭčać pra rak», — skazaŭ aŭtar.
Treciaj pryčynaj Šepieleŭ nazvaŭ «padziaku kožnamu z tych ludziej, chto padtrymlivaŭ Žannu». «Čaćviortaja pryčyna — asabistaja — heta žadańnie zachavać dobruju pamiać ab pryhažuni Žańnie dla mianie i našaha syna Płatona», — skazaŭ na zakančeńnie televiadoŭca.
Kniha pastupić u prodaž 24 listapada. Srodki, jakija Šepieleŭ jak aŭtar atrymaje ad realizacyi nakładu ŭ 10 tysiač asobnikaŭ, jon maje namier nakiravać u dabračynny fond dapamohi chośpisam «Viera».
Žanna Fryskie naradziłasia 8 lipienia 1974 hoda ŭ Maskvie. U 1996-2003 hh. — udzielnica hrupy «Bliskučyja». Ad 2003 hoda pačała solnuju karjeru. U kastryčniku 2005 hoda vypuściła debiutny albom pad nazvaj «Žanna».
U 2004 hodzie vyjšaŭ pieršy film ź jaje ŭdziełam, ekranizacyja ramana Siarhieja Łukjanienki «Načny dazor», dzie Fryskie vykanała rolu viedźmy. Jana taksama źniałasia ŭ «Dzionnym dazory» i ŭ filmie «Pra što havorać mužčyny», dzie ihrała samu siabie. 7 krasavika 2013 hoda ŭ Majami ŭ śpiavački i televiadoŭcy Dźmitryja Šepieleva naradziŭsia syn Płaton. 15 červienia 2015 hoda Žanna Fryskie pamierła na 41-m hodzie žyćcia praz rak hałaŭnoha mozhu.
Ciapier čytajuć
«Skazali, što ludzi ź vizami typu C nie zmohuć pierasiačy miažu». Na litoŭskich prapusknych punktach zdaryŭsia kałaps3
Kamientary