Vikipiedyja na anhielskaj movie: što biełarusy mohuć rabić

Vikipedyja — samaja papularnaja ŭ śviecie encyklapedyja, hałoŭny anłajnavy daviednik pa luboj cikavaj vam temie. Hałoŭnaja asablivaść i ŭnikalnaść Vikipedyi ŭ tym, što jana redahujecca samimi ludźmi. I ŭ hetym jakraz krynica jaje paśpiachovaści: prychodziać erudyty-entuzijasty i pišuć pa temach, jakija im blizkija i dzie jany raźbirajucca.

Kaniečnie, pry takoj schiemie nie paźbiehnuć nieabjektyŭnaści i navat złoŭžyvańniaŭ. U pryvatnaści, heta tradycyjna tyčycca artykułaŭ na takuju temu, jak historyja Biełarusi, dzie było šmat epizodaŭ i peryjadaŭ, jakija mohuć pa-roznamu aceńvacca ŭ zaležnaści ad taho, z čyjoj perspektyvy na heta hladzieć.

Naprykład, artykuły pra historyju Zachodniaj Biełarusi ŭ mižvajenny čas aktyŭna praviacca polskimi nacyjanalistami, dla jakich Zachodniaja Biełaruś — heta «Kresy Vschodnie», dyskryminacyi suprać biełarusaŭ tam nie było, a biełaruski nacyjanalna-vyzvalenčy ruch — heta spres dyversanty i maryjanetki Maskvy.

Artykuły pra historyju VKŁ — tam sprava jašče horšaja, bo litoŭskaja nacyjanalistyčnaja historyjahrafija zaraz i ŭ histaryčnaj navucy maje vyznačalny ŭpłyŭ na toje, jak VKŁ razhladajuć u śviecie. Tamu pakul nie zavarušacca aficyjnaja biełaruskaja histaryčnaja škoła i biełaruskaja dziaržava, nam daviadziecca mirycca z tym, što anhielskamoŭnaja Viki pierapoŭnienaja vydumanymi ŭ XX stahodździ imionami kštałtu «Vitaŭtas» i «Mindaŭhas», i tym, što stalica VKŁ tam nazyvajecca «Vilnius».

Što nieabyjakavym biełarusam varta ciapier u suviazi z usim hetym rabić:

1. Rehularna patrulavać cikavyja vam artykuły i adsočvać fakty šavinistyčnaha vandalizmu.

2. Adšukvać jakasnyja krynicy faktaŭ i abjektyŭnaj infarmacyi pa tych ci inšych epizodach biełaruskaj historyi (u ideale na anhielskaj movie) i dapaŭniać artykuły cikavaj infamacyjaj sa spasyłkami na takija krynicy.

Što takoje jakasnyja krynicy:

— Navukovyja artykuły ci knihi (naprykład, dobra było b adšukać u internecie knihi Tymaty Snajdera)

— Daviedniki

— U horšym vypadku, artykuły ŭ niejkich prystojnych ŚMI

Što takoje drennyja krynicy:

— Błohi

— Artykuły z hatovymi referatami dla studentaŭ

3. Redahavać artykuły: adkatvać vandalizm, vypraŭlać farmuloŭki na neŭtralnyja — z paznačeńniem krynicaŭ.

4. Možna rabić heta ŭ kamandzie — davajcie hurtavacca.

5. Varta pisać artykuły pra temy, datyčnyja Biełarusi, jakija jašče słaba adlustravanyja ŭ Vikipedyi. Pry hetym moža być i tak, što na takija temy nia buduć leźci polskija ci letuviskija vandały. Naprykład:

— Artykuły pra historyju BNR

— Artykuły pra palityku ŭ sučasnaj Biełarusi:

brakuje jakasnaha razboru, z spasyłkami na zajavy i zaklučeńni ABSE, niedemakratyčnaści biełaruskich vybaraŭ i referendumaŭ;

brakuje jakasnaha artykułu pra histaryčny Biełaruski Narodny Front. Ciapierašni artykuł niebłahi, ale małavaty i jamu brakuje spasyłak. Plus varta zrabić asobnyja artykuły pra BNF «Adradžeńnie» i pra Partyju BNF.

— Varta abnavić artykuły pra biełaruskija palityčnyja partyi i partyjnyja kaalicyi (takoje ŭražańnie, što tam infarmacyja pa stanie na 10 hadoŭ tamu)

— Nie padabajucca artykuły pra Stanisłava Šuškieviča, Zianona Paźniaka.

— Artykuły pra harady, miastečki, rajony i h.d. Napišycie pra vaš horad ci adkul vašyja karani — samim pryjemna budzie.

Kali jašče zastalisia pytańni — davajcie abmiarkoŭvać u kamentarach.

P.S. Dadaŭ u artykuł pra Zachodniuju Biełaruś raździeł pra dyskryminacyju biełarusaŭ. Krynicy tam nie zaŭždy idealnyja, tak što budu ŭdziačny, kali padkiniecie jašče dadatkova dobrych, asabliva na anhielskaj movie.

• 0
• 0
• 0
• 0
• 0
• 0
• 0
• 0