Vice-premjer RF Arkadź Dvarkovič zajaviŭ ab rezkim pavieličeńni pastavak naftapraduktaŭ u Biełaruś i rekamiendavaŭ «Tatniefci» i «Hazpromu» prypynić pastaŭki.
Dvarkovič na praŭkamisii pa TEK 17 lutaha daručyŭ Minenierha, Minfinu i Fiederalnaj mytnaj słužbie (FMS) sumiesna z «Hazpromam» i «Tatniefť» dałažyć ab pryčynach rezkaha pavieličeńnia pastavak naftapraduktaŭ u Biełaruś z boku daččynych pradpryjemstvaŭ «Tatniefci» i «Hazproma», vynikaje z kopii pratakołu kamisii (jość u RBK). Kampanijam było rekamiendavana prypynić pastaŭki paliva ŭ Biełaruś.
Jak paviedamili RBK dva ŭdzielniki narady, prablemu rezkaha rostu pastavak naftapraduktaŭ padniaŭ kiraŭnik FMS Alaksandr Bieljaninaŭ. Jon kazaŭ, što heta pryvodzić da skaračeńnia pastupleńniaŭ u rasijski biudžet.
Abjomaŭ pastavak ahučana nie było, skazaŭ adzin z udzielnikaŭ narady. U pratakole paznačana daručeńnie da kampanij pradastavić kopii dakumientaŭ i raźlikaŭ, źviazanych z vypłataj mytnaj pošliny pry hetych pastaŭkach, a taksama dakład ab stratach rasijskaha biudžetu z boku profilnych viedamstvaŭ.
Jak raspavioŭ RBK adzin z trejdaraŭ, jakija pastaŭlajuć biełaruski bienzin na rasijski rynak, takija pastaŭki iduć z naftabaz u Smalenskaj vobłaści albo naŭprost ź pierapracoŭčych daččynych struktur naftavych kampanij u Biełarusi i nie abkładajucca mytnymi płaciažami, bo Biełaruś uvachodzić z Rasijaj u Jeŭrazijski ekanamičny sajuz.
Takim čynam, kampanii, pa słovach surazmoŭcy RBK, naraściŭšy pastaŭki naftapraduktaŭ, vyjhrali dvojčy: minimizavali padatki, bo pastaŭki ŭ Biełaruś nie źjaŭlajucca ekspartam, i zarabili, bo pieršyja dva miesiacy 2016 hoda pastaŭlać bienzin na biełaruski rynak, dzie ceny na AZS vyšejšyja, było vyhadniej, čym na rasijskija zapraŭki.
Pa słovach čynoŭnika Minenierha, zaraz pastaŭki naftapraduktaŭ u Biełaruś «Tatniefti» i «Hazpromam» prypynienyja.
Pradstaŭnik «Hazproma» nie zmoh apieratyŭna dać kamientar, a pradstaŭnik «Tatniefti» na telefonnyja zvanki nie adkazvaŭ.
***
Pa dadzienych čyhunačnych ekśpiedytaraŭ, «dačka» «Tatniefci» TAA «Tatniefć-Trans» pastaviła ŭ Biełaruś u studzieni 2016 hoda 25 tys t. bienzinu. Heta 50% ad usiaho pastaŭlenaha ŭ studzieni rasijskaha bienzinu ŭ Biełaruś. Dla paraŭnańnia, «Łukojł-Nižehoraddarsintez» ekspartavaŭ u studzieni 2016 hoda 4,4 tys. t, struktury «Raśniefci» - 0,361 tys t. U lutym «Tatniefť-Trans» spyniła pastaŭki.
Pradpryjemstvy pramysłovaha čyhunačnaha transpartu (uvachodzić u «Hazprom») ekspartavali ŭ studzieni ŭ Biełaruś 15 tys. t. dystylatu hazavaha kandensatu (naftapradukt, ź jakoha vyrablajuć bienzin pry pierapracoŭcy), taksama istotna skaraciŭšy pastaŭki ŭ lutym (da 1,9 tys. t). Dola struktury «Hazproma» ŭ studzieńskich pastaŭkach 83,6%.
Pa słovach čynoŭnika Minenierha, zaraz pastaŭki naftapraduktaŭ u Biełaruś «Tatniefciu» i «Hazpromam» prypynienyja.
Pradstaŭnik «Hazproma» nie zmoh apieratyŭna dać kamientar, a pradstaŭnik «Tatnafty» na telefonnyja zvanki nie adkazvaŭ. Andrej Papoŭ, kiraŭnik pres-słužby prezidenta Biełarusi, nie zmoh apieratyŭna prakamientavać situacyju.
Kamientary