U Tadžykistanie zakryvajucca ŭsie abmiennyja punkty valut, paviedamlaje pres-centr Nacyjanalnaha banka respubliki.
«Nacyjanalny bank Tadžykistana (NBT) vyrašyŭ zakryć usie punkty abmienu valut. Hety zachad zrobleny ŭ ramkach čarhovych mier dla stabilizacyi situacyi na valutnym rynku krainy», — havorycca ŭ paviedamleńni.
U NBT adznačyli, što analiz situacyi pakazaŭ, jak niekatoryja supracoŭniki abmiennych punktaŭ valut, karystajučysia situacyjaj, zavyšajuć kurs zamiežnaj valuty. «Tak, 27 listapada supracoŭniki NBT sumiesna z supracoŭnikami prakuratury zatrymali za zavyšeńnie kursa zamiežnaj valuty 6 rabotnikaŭ abmiennych punktaŭ roznych bankaŭskich struktur i kredytnych arhanizacyj. Było ŭstanoŭlena, što jany zachoŭvali ŭ kasach vialiki abjom hrašovych srodkaŭ u nacyjanalnaj i zamiežnaj valucie, jaki ŭ niekalki razoŭ pieravyšaje padspravazdačnyja srodki, zajmalisia nieaficyjnaj kuplaj-prodažam valuty», — padkreślivali ŭ zajavie hałoŭnaha rehulatara. U suviazi z hetym NBT pryniaŭ rašeńnie ab ich zakryćci.
Taksama Nacbank pryniaŭ rasparadžeńnie numar 211 «Ab paradku praviadzieńnia valutnych apieracyj z zamiežnaj valutaj», jakoje budzie dziejničać paśla jaho aficyjnaha apublikavańnia. Zhodna z patrabavańniem hetaha rasparadžeńnia, buduć zakryty ŭsie abmiennyja punkty valuty, a valutnyja apieracyi, u tym liku kupla-prodaž zamiežnaj valuty, buduć pravodzicca ŭ bankaŭskich centrach absłuhoŭvańnia, filijałach bankaŭ na miescach i hałaŭnych ofisach kredytnych arhanizacyj.
Nacbank prosić hramadzian ažyćciaŭlać valutnyja ździełki vyklučna ŭ nazvanych ustanovach, a praviadzieńnie takich ździełak u inšych miescach budzie ličycca niezakonnym: jak pakupnik, tak i pradaviec buduć pryciahvacca ŭ adnolkavaj stupieni da administracyjnaj abo kryminalnaj adkaznaści.
Kamientary