Ukrainie treba minimum šeść—siem hadoŭ, kab adpaviadać šerahu patrabavańniaŭ dla mahčymaha ŭstupleńnia ŭ NATA. Pra heta Piatro Parašenka zajaviŭ u razmovie z DW.
«Nam treba adpaviadać standartam NATA, i heta nie adbudziecca siońnia, ci zaŭtra, ci ŭ nastupnym hodzie», — dadaŭ Parašenka.
«My suvierennaja i niezaležnaja dziaržava, i nam nie treba pytacca dazvołu ni ŭ Rasii, ni ŭ kahości jašče, — padkreśliŭ kiraŭnik ukrainskaj dziaržavy. — Naša pazicyja zaklučajecca ŭ tym, kab refarmavać krainu, i nam treba minimum šeść-siem hadoŭ, kab adpaviadać kryteram. My pavinny pravieści tuju pracu, jakaja źjaŭlajecca nieabchodnaj dla nas, i tolki tady my pavinny spytać ukraincaŭ i pravieści refierendum».
Jak adznačyŭ Parašenka, kali dva hady tamu płany pa ŭstupleńni ŭ NATA padtrymlivali kala 16% ukraincaŭ, to ciapier — kala 60%.
Kamientujučy pazicyju ministra zamiežnych spraŭ Hiermanii Franka-Valtera Štajnmajera, jaki bačyć tolki partniorstva Ukrainy z NATA, ale nie jaje siabroŭstva ŭ aljansie, Parašenka adznačyŭ: «Heta tolki pazicyja Štajnmajera ŭ 2015 hodzie, i nichto nie viedaje, jakoj budzie pazicyja Hiermanii ŭ 2022 hodzie».
Prezident Ukrainy taksama padkreśliŭ, što na siońnia NATA źjaŭlajecca adzinaj efiektyŭnaj sistemaj biaśpieki.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu2
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary