Šmanaj, Sankovič, Čarkašyna — kaho ź dziaŭčat zaprasili na inaŭhuracyju Łukašenki FOTY
Absalutnaja bolšaść haściej inaŭhuracyi Alaksandra Łukašenki – čynoŭniki i deputaty. Heta pieravažna mužčyny siaredniaha i pieradpiensijnaha vieku.
Na ich fonie vyłučalisia redkija maładyja tvary, asabliva dziavočyja. Chto z maładych biełarusak adznačyŭsia na aficyjnaj cyrymonii?
U pieršym šerahu siarod inšych hierojaŭ Biełarusi siadzieła bijatłanistka Darja Domračava.
Pierpiendykularna asnoŭnym šeraham kresłaŭ stajali kresły dla svajakoŭ Alaksandra Łukašenki. Za synam Mikałajem siadzieła Natalla Kirsanava (Ejsmant), pres-sakratarka kiraŭnika krainy.
Pobač ź joj maładaja dziaŭčyna, padobnaja da Viktoryi Łukašenka, unučki kiraŭnika krainy.
A za Kirsanavaj (Ejsmant) – Darja Šmanaj, dziaŭčyna, jakaja supravadžała Łukašenku na niekalkich mierapryjemstvach i štohod znachodzicca ŭ parłamiencie padčas zvarotaŭ kiraŭnika krainy.
Praź niekalki kresłaŭ ad Kirsanavaj (Ejsmant) siadzieła Natalla Piatkievič, byłaja pamočnica Łukašenki. Jana ŭ tranślacyju nie patrapiła, u kadry akazaŭsia tolki jaje paznavalny profil.
U pieršym šerahu druhoha ešałona – himnastka Luboŭ Čarkašyna. Jana była davieranaj asobaj Łukašenki na vybarach.
Jaje kaleha pa himnastyčnaj zbornaj Biełarusi – Ksienija Sankovič. Dziaŭčynu časta bačać u kampanii biznesmiena Juryja Čyža.
Zaśviacilisia ŭ kułuarach i śpiavački Alena Łanskaja i Darja – prateže inšaha miljaniera, Alaksandra Šakucina.
Voś Łanskaja padčas cyrymonii. Jaje možna było adroźnić pa adkrytym dekalte.
U zadnich šerahach možna pabačyć televiadučuju Marynu Hrycuk (źleva).
Ciapier čytajuć
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary