Jašče raz pra tyja samyja dyski: Hołaja Manaška. «Nieba BLAkitnaje» + S.D.M. «Demo».
Jašče raz pra tyja samyja dyski: Hołaja Manaška. «Nieba BLAkitnaje» + S.D.M. «Demo».
«Hołaja Manaška» — enfant terrible biełaruskaha roku. Lider hurtu Fiedzia «Krys» Žyvaleŭski ŭparta prasoŭvaje svaju lehiendu «čałavieka, jaki znajšoŭ paparać-kvietku». Lehienda lehiendaj, ale časam zdajecca, što ŭvieś bol, usie šłaki našaj ziamli abrynulisia na Fiedziu razam z nadzvyčajnym padarunkam-talentam...
«Takoje žyćcio i biaspłatnyja ślozy...»
Ciomny bok Respubliki Biełaruś adkryvajecca ŭžo ź pieršaha treku («Svaboda R.B.»). «Bol», akantavany atmasfernymi ŭstupam i kodaj, — voś jakoj canoj kuplenaja ŭ Boha ŭsia hetaja «charyzmatyčnaść». Źjedlivaja «Radyjeaktyŭny fon» — ź dziŭnym uplotam lozunhu «Vierym, možam, pieramožam». Jarasny hit «Ty maja samaja», refrenam «Kankretyzuj svaje hluki» -- zdajecca, Fiedzia až korčycca, jak žyvaja ryba na patelni. «Paviazany» — kranalnaja «balada» pra pačućcio viny. Histeryčnaja «La ściany» -- «Śviatyja ŭ turmach, błatnyja ŭ carkvie». Rastamanskaja «Wawnaina». Złosnaja «Mrazi» — «Štodzień u ekstazie, z hrazi ŭ kniazi padymajucca mrazi». Lehiendarnaja «Kosmas» — tak, Fiedzia žyvie ŭ svaim ułasnym suśviecie, dzie «kavałkami žyvoha miasa» płavajuć płanety-pieśni.
Pałova albomu (dakładniej, zborki najlepšych numaroŭ hurtu) — vykananaja ŭ akustycy, što (sory, muzyki HM, vy super) amal nie źmianšaje mastackaha ŭražańnia — duža klasny i materyjał sam pa sabie, i Fiedzieva vykanańnie.
«Narmalnyja ludzi piesień nia pišuć», — kazała kaliści adna maja siabroŭka. Ź ciaham času pierakonvajusia, što mieła jana racyju. Dobrych piesień dyk dakładna nia pišuć, na žal.
I cikava, i strašnavata pahružacca ŭ hetuju muzyku. Ale prabivaje... Nakryvaje. B** budu.
P.S. Paru słovaŭ pra S.D.M. Na moj pohlad, pamyłkaj vydaŭcoŭ było źmiaścić dema hurtu pobač z «Manaškaj» - užo zanadta vidavočnaj robicca słabaść navičkoŭ. Na fonie vypakutavanaha i hranična-ščyraha materyjału Fiedzi, S.D.M-ščykam, ź ich nadumanaj «sacyjalnaj tematykaj», prosta nia vieryš. Daj Boh, kab pieraraśli jany kryŭdny štamp «kłon «N.R.M.»…
Ciapier čytajuć
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy5
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary